有句話叫做「認真的男人最帥」，中學生保良局董玉娣中學的學生會候選內閣「Pixel」，用一段片證明中學生認真起上來，都可以一鳴驚人。「Pixel」的外務副會長趙文浚在片中，以說唱方式介紹17名莊員，校園實境拍攝、強勁節拍加上抵死的rap詞被網民激讚，片段在周二（29日）上載到facebook後被瘋傳。「你有freestyle嗎？」文浚在MV中rap足3分鐘，一夜之間成為主角，他坦言受寵若驚，「返到學校有人講有人笑就已經好足夠，但真係估唔到會有咁嘅反應」。訪問期間，他還即席為「開罐」freestyle了一段。

手機App用戶請按此開啟瀏覽器觀看短片

文浚憶述當初拍攝MV時都有遇過不少蝦碌事，如首次拍攝完成後才發現「對嘴失敗」，第二次拍攝到一半時又發現器材無電，結果花了2日才完成拍攝。他指，當初只預期有約1700次點擊率，「返到學校有人講有人笑就已經好足夠，但真係估唔到會有咁嘅反應，而家大家都有啲受寵若驚，亦有少少擔心，因為條片講左大部份人嘅全名」 。對於網民盛讚他有天份、又指是繼MC Jin後「香港rap界新希望」。他坦言不敢當，因香港有不少更厲害的地下rapper，「我哋咁嘅實力，同做歌手差好遠，得閒有機會咪再玩下囉」。

文浚指自己平時喜歡聽豐富節奏感的音樂，例如電子舞曲、rap、hip hop類的音樂，過去經常與孖生哥哥趙文浩一起二次創作，為流行曲改歌詞。近日看完內地節目《中國有嘻哈》後，心血來潮freestyle了兩句，「今日想同大家介紹一下pixel, 趁住十七位莊員全部人都齊晒喺度」，忽發奇想向哥哥提議「不如我哋拍條MV，rap左佢？」，期後莊員都一致認同兩兄弟的想法，「大家都覺得好正好型」。結果二人一共花了2日時間完成rap詞創作，「其實都係喺（旅行）等上機，同唱緊K嘅時候寫」。

MV其中一個亮點為一對孖生兄弟任內閣的正副會長。被問到兩兄弟一起參選學生會，會否擔心意見不合傷感情，文浚說只要有溝通就不怕不和，又隨口rap了一句「一世人，兩兄弟，最緊要得閒傾下計」。

文浚為「開罐」freestyle了一段：

叫我即場Freestyle考我hip hop gene我哋估唔到條片竟然可以去到咁癲如果你哋鍾意呢條片睇完就最好㩒個like先有關城市、大學，旅遊故事如果唔識就等開罐話你知