快餐店「不務正業」？　炸雞店賣牛肉飯　薄餅店出部隊鍋

一人火鍋、部隊鍋、牛肉飯，你會揀喺邊間快餐店食？近年快餐店都興起「mix and match」，走混合菜式路線，賣牛肉飯的兼賣邊爐、賣炸雞的兼賣牛肉飯。雖然係「九唔搭八」、「不務正業」，但亦有食店因此一炮而紅。近日又有快餐店推出「估你唔到」新品，一齊盤點近年快餐店新作！

薄餅店也推出部隊鍋，是韓潮沒法擋嗎？（Pizza Hut facebook專頁圖片）

1.　Pizza Hut - 拉麵鍋

大家去Pizza Hut，就當然為咗食pizza。有返咁上下歷練嘅朋友，都應該會念念不忘Pizza Hut當年個沙律吧。

天氣轉冷，連Pizza店也要供應拉麵鍋。（Pizza Hut facebook專頁圖片）

不過近日Pizza Hut又有新搞作，推出拉麵鍋，鍋內食物有「肥牛泡菜雞」，諗深一層，即係Pizza Hut推出部隊鍋！

一眾網民對薄餅店推出拉麵鍋評價不一，有人留言「好似好正」，但有網民直言「九唔搭八、超無厘頭」，亦有網民感慨「真係生意難做」、「係咪話畀人知掙扎求存中？」

如果畀大家揀，你會寧願Pizza Hut出韓式拉麵鍋，還是重推當年的沙律吧？

由牛肉飯賣到邊爐，吉野家算是成功轉型的好例子。（吉野家facebook專頁圖片）

2.　吉野家 - 一人邊爐

講推新品，吉野家可算是成功的表表者。

吉野家由賣牛肉飯起家，飯類加入雞、豬及三文魚，也不算甚麼大突破。

除了一人火鍋，吉野家還推出火鍋放題。（吉野家facebook圖片）

吉野家最為人熟悉的，應該是推出一人邊爐，相信不少人現時選擇一人邊爐時，吉野家也會在「心水」之列。其他快餐店亦紛紛在冬天推出一人邊爐，希望分一杯羹。

吉野家近年更推出任食邊爐，吸引不少食客排隊，吸引力遠超牛肉飯！明顯是最成功的「不務正業」例子！

肯德基不再是只賣炸雞了！（VCG）

3.　KFC - 打邊爐、牛肉飯

賣牛肉飯的推出邊爐，賣炸雞的KFC，則分別於去年及今年推出邊爐及牛肉飯。有網民笑言「KFC要追撃吉野家？」

亦有網民指，「如果肯德基先生重生，見到自己間鋪折墮到要賣牛肉飯先生存，一定激X死多一次」。

齋睇廣告唔睇logo，都唔會估到係肯德基產品。（肯德基facebook圖片）

KFC的廣告格言是「We do chicken right！」有網民反問，是否要加一句「We do cow right」？

4.　麥當勞 - 麥趣飯

講到麥當勞，唔少網民都想有生之年見到麥牛河推出。但在麥牛河仍未面世之前，麥當勞曾推出碟頭飯！

麥當勞當年推出雞扒及燒汁牛飯。（麥當勞廣告截圖）

年輕一輩可能會記得2013年、2014年推出的「麥趣飯」，碟頭飯以紙盒盛載，無乜碟頭飯感覺。

而其實早在2002年，麥當勞已推出「開心開飯餐」，包括咖喱吉列雞扒飯及蘑菇醬烤雞扒飯。

誰說海皇粥店只有粥食？（海皇粥店官網圖片）

5.　海皇粥店 - 粥地火鍋

玩Fusion菜並非西餐及日式餐廳專利，中式餐廳也可以加入戰團。

以粥品作主打的海皇粥店，就推出「西式味力」系列，有餐蛋、腸蛋飯；吉列魚柳飯及典型茶餐廳「扒腸、扒腿」飯。

除了碟頭飯外，還有推出海鮮酸辣粉及粥地火鍋，唔……賣粥也可以賣出新天地啊！

看更多：