一年一度的新年親戚問答大賽又開始了，各位被逼參賽的孝順仔女，又想好了甚麼應對方法？《開罐 Opener》請來有「辣媽CEO」之稱的企業管理顧問張慧敏（Alison）「Son姐」教一眾家後輩小薯，霸氣回應「煩膠」親戚5大問題。

新年有假放又有利是𢭃，對我們這些後輩小薯而言，絕對是開心事。但家家位難纏親戚, 總愛問些讓人為難的問題。雖說一年一度的親戚問答大賽避無可避，但根據大家20多年來的「參賽經驗」，姨媽姑姐、三姑六婆每年的問的問題都大同小異，沒甚新意，所以各位參賽者無需過份驚慌。

👇 👇 👇專家教霸氣KO親戚5大煩膠問題👇 👇 👇

【煩膠問題一】 拍拖未啊？不如我介紹男 /女仔你識？

【試答一】我得罪你唔緊要啊，最怕得罪埋你嘅朋友就唔好啦。你知啦，唔繫個個都好似你咁包容㗎。（明知你A0都要特登問，平時又無關心過你，不妨咁樣答。）

【煩膠問題二】而家讀邊科啊？咁將來可以做乜？

【試答二】你又系讀邊科㗎？阿仔/ 女佢又系讀邊科？（回應咁玄妙嘅問題，不妨拋返個波畀佢，以其人之道還治其人之身，咪叫佢分享一下，參考參考。）

【煩膠問題三】而家幾多錢人工一個月啊？

【試答三】你都知今年咩環境，大家都差唔多啦。/不過我呢啲廢青，唔使問阿媽攞錢已經好好啦。（面對呢啲問題，可以自嘲方法化解，「講咗等於無講」咁就啱啦。）

【煩膠問題四】 幾時結婚/生仔啊？

【試答四】婚幾時結都得，最緊要有對象。如果有好消息第一時間通知你。（呢啲每年必問嘅問題，大家客套問就客套答。）

【煩膠問題五】 咁耐冇見好似又肥咗喎

【試答六五】系啊，好彩我肥咗咋，如果唔系男/女朋友話唔要我啊！（來者不善嘅提問，唔需要唔開心，記得Rule No.1 「認真便輸了」。）

故意為難，專問尷尬問題的親戚，都只是個別一兩位； 其餘的親戚都大多是善意的關心，Son姐話因為總覺得不好意思，就會被故意刁難「食住上」，所以要記住第一守則：「認真便輸了」，明知來者不善，無謂為一些無心說話而不開心。

Son姐又分享，遇上難纏的親友，可事先向家人報備「打定底」，讓家人預先知到你的底線，在被刁難的時候，家人亦可以幫忙「接招」解圍。

新年將至，對已拍拖一段時間的情侶而言，是時候趁著新年這個機會帶對方「見家長」，讓家人認識自己的拍拖對象。前新聞主播兼 HK Romance Dating極速約會公司創辦人黃嘉如 (Yubi) 提醒，在正式見面前情侶雙方有以下幾點要注意。

▼▼▼▼點擊看專家教拜年「見家長」8大貼士▼▼▼▼