煲仔飯全港Top13推介 最平$68起歎原條鰻魚飯、炭爐白鱔臘味飯

撰文:許慧恩
出版:更新:

【煲仔飯推介】一次過睇煲仔飯全港Top13排名!氣溫驟降要食熱辣辣煲仔飯暖胃.記者精選全港13大人氣煲仔飯,包括米芝蓮推介、新派特色口味、炭爐炮製煲仔飯,記者更親身實試元朗人氣煲仔飯凱逸餐室,即拉落下文睇介紹!

煲仔飯推介【13】晚市CP值高煲仔飯@光榮冰室

光榮冰室今年秋冬有CP值超高的煲仔飯,價錢最平的臘味煲仔飯、鹹魚肉餅飯、豉汁排骨煲仔飯,網民推介必試坊間少見的薑葱鮮鯇魚煲仔飯!今年光榮冰室再推外賣煲仔飯,額外加$12更可以「連煲拎走」,回家慢慢歎熱辣辣煲仔飯!

+1

光榮冰室
地址:尖沙咀厚福街5-6號地下6號鋪
電話:2422 6555
註:煲仔飯只限深井、荃灣、尖沙咀、旺角、銅鑼灣、九龍灣及元朗分店下午6時後供應

煲仔飯推介【12】原條鰻魚炒蛋煲仔飯@深仔記茶餐廳

主打雲吞麵的深仔記茶餐廳推出秋冬限定古法炮製煲仔飯,除了傳統中式煲仔飯,最特別的就是日式鰻魚煲仔飯,原條鰻魚加炒滑蛋的組合非常吸引!價錢由$68至$78不等,供應時間由下午5時至晚上9時45分,隨煲仔飯奉送例湯,性價比頗高。

深仔記茶餐廳
地址:尖沙咀亞士厘道29-39 號九龍中心地下A舖
電話:9377 0072

煲仔飯推介【11】即叫即煲!足料海膽煲仔飯@海街丼

東京刺身丼名店海街丼推出冬天必食名物「海膽鍋燒蓋飯」,使用份量豐富的時令海膽,由廚師席前即叫即煲,夠晒新鮮熱辣,最後更可以利用飯焦自製茶漬飯,飽肚又暖胃,就算氣溫再低都無有怕!海膽鍋燒蓋飯於Emax分店及將軍澳分店全日供應,記得要提早預訂!

+1

海街丼(將軍澳店)
地址:將軍澳重華路8號東港城1樓186號舖
電話:3596 3973

海街丼(九龍灣E-Max店)
地址:九龍灣展貿徑1號E-Max國際展貿中心B1樓B145號舖
電話:2155 0327

煲仔飯推介【10】創新中西日式fusion煲仔飯@砂煲兄弟

懷舊風砂煲兄弟主打中西fusion的創新煲仔飯,例如黑松露蟹肉海膽、鵝肝慢煮牛柳、鰻魚牛蒡、海南雞煲仔飯,非常特別!其中黑松露蟹肉加海膽用料矜貴又足料,海膽鋪滿蟹肉、黑松露粒,仲有一隻大大隻的蟹鉗,每一啖都充滿蟹肉的香味!海南雞煲仔飯仲使用油飯底?按下圖即睇👇👇

+2

砂煲兄弟
地址:將軍澳重華路8號東港城1樓101號舖
電話:2778 7020/2778 0009

煲仔飯推介【9】元朗人氣煲仔飯金黃色飯焦@凱逸餐室

元朗一間港式茶記煲仔飯人氣極高,不少網民在社交網站上推介,記者一於親身實試有幾正!這間茶記主打傳統港式煲仔飯,有齊白鱔、排骨、臘味、滑雞及田雞等,價錢由$68至$98不等,更奉送例湯。煲仔飯即叫即製,記者大約等了30分鐘,大片金黃色飯焦非常吸引,還有職員教路點樣食煲仔飯先最好味,按下圖即睇👇👇

+4

凱逸餐室
地址:元朗西菁街9號富盛大廈地下3-4號舖
電話:2633 2900

煲仔飯推介【8】秘製豬油撈煲仔飯@江湖小棧

自家製豬油撈煲仔飯!江湖小棧以「武俠」為主題,菜單像一本武功秘笈,主打自家製豬油煲仔飯,可自由配搭不同煲仔飯配料,例如牛肉、臘肉、臘腸、滑雞、咸蛋和窩蛋等。自家製豬油大大提升煲仔飯的香味,口感更滑更香!

+4

江湖小棧
地址:荃灣鱟地坊30號寶成大厦1號地舖
電話:2399 7994

煲仔飯推介【7】油麻地廟街煲仔飯名店@興記煲仔飯

興記煲仔飯以鹹魚煲仔飯及蠔餅打響名堂,全盛時期共有5間舖。煲仔飯價錢相對比較便宜,$45起就有交易!煲仔飯款式非常多,其中最有名就是章魚雞粒煲仔飯、黄白鱔煲仔飯、鹹蛋牛肉煲仔飯,還有每枱必點炸蠔餅!

+6

興記煲仔飯
地址:油麻地廟街15號
電話:2384 3647
營業時間:星期一至日 18:00 - 01:00

煲仔飯推介【6】創意煲仔沙爹牛肉麵@榮記茶餐室

一向創意十足的榮記茶餐室早前推出沙爹煲仔麵,吸引不少人去嚐鮮!可想而知,這裡的煲仔飯當然不只傳統口味,推介拉絲芝士午餐肉煲仔飯、真·火焰玫瑰肥牛飯等,火焰肥牛飯上桌時更會加上玫瑰露,呈現火焰效果,順便可以打卡呃LIKE!

+5

榮記茶餐室
地址:慈雲山毓華里12號地下A-B舖
電話:2328 9232

煲仔飯推介【5】元朗特色辣味炭火煲仔飯@味仟食店

元朗區內的長龍煲仔飯小店,曾經有網民話要排一個鐘先有得食!味仟主打即叫即製炭爐煲仔飯,可以單拼,亦可以自由搭配。其中,以毛家辣系列煲仔飯最有人氣,例如咸蛋肉餅煲仔飯上淡淡辣味的肉餅,加上蒜頭、辣椒調味,重口味人士必試!

+4

味仟食店
地址:元朗安興街40號地下
電話:2449 3962

煲仔飯推介【4】最強煲仔飯飯焦@祥囍煲仔小廚

祥囍主打鑊氣小炒和煲仔飯,寒冷天氣下當然以煲仔飯最受歡迎!網民推介臘味蝦乾飯、肉餅飯,臘味蝦乾飯米飯乾身,炭香味突出,每一口都可以品嚐出臘味本身的油分香氣!最重要是輕易起出一大塊金黃色飯焦,飯焦香脆、帶微微油香,不會黏牙!👇👇👇 按圖睇吃祥囍煲仔飯怎樣做才有最多飯焦 👇👇👇

+2

祥囍煲仔小廚
地址:筲箕灣愛民街6-28號新利大廈地下4A-5A號舖
電話:2343 8811

煲仔飯推介【3】傳統炭爐煲仔飯大玩創新@紹華小廚

炭爐炮製煲仔飯加上創新餸菜有口皆碑。紹華小廚主打炭火煲仔飯,招牌荔茸肉碎煲仔飯、蒜香牛頸脊煲仔飯、野菌鵝肝煲仔飯都是熱門款式!荔茸肉碎煲仔飯放上兩球質感綿密的芋泥球,加上炒香的肉碎、油香四溢的臘腸、膶腸,非常惹味!

+2

紹華小廚
地址:筲箕灣愛秩序灣道15號愛秩序灣街市熟食中心CF3店
電話:8199 8188

煲仔飯推介【2】米芝蓮推介煲仔飯@嚐囍煲仔小菜

嚐囍煲仔小菜連續三年獲米芝蓮推介,主打各款炭火煲仔飯和中式點心,例如白鱔滑鷄冬菇煲仔飯、臘味排骨煲仔飯、臘味滑雞飯 ,亦有創意日式鰻魚煲仔飯。煲仔飯粒粒分明,飯不會過於硬身,焦可以整片起出來,香脆但不黏牙,充滿炭火香。

+5

嚐囍煲仔小菜
地址:西環堅尼地城北街25號地下
電話:2819 6190

煲仔飯推介【1】2020米芝蓮必比登推介煲仔飯@坤記煲仔小菜

港島煲仔飯名店連續兩年獲得米芝蓮推介,招牌菜式有傳統港式的田雞、白鱔、臘味煲仔飯。煲仔飯甘香、口感偏硬,配料非常夠味。豉油是另上,味道偏甜,淋在煲仔飯上面非常濃味。飯焦也做得出色,微微焦脆的口感,沒有煲得焦黑。👇👇👇 按圖睇坤記人氣煲仔飯款式、價錢 👇👇👇

+4

坤記煲仔小菜
地址:西環西營盤皇后大道西263號和益大廈地下1號舖
電話:2803 7209

你可能感興趣