周家蔚爆洪天明患有玫瑰痤瘡 不時發作︰唔可以激親佢個人
撰文：吳子生
出版：更新：
周家蔚今日（24/5）現身中環出席護膚品牌活動。家蔚受訪時透露大仔升中學，學校舉辦家長親子營，便委派老公洪天明做家長義工：「今次佢要對住大仔3日，相信係一個好好嘅親子機會，因為平時佢做嘢都好忙。」
周家蔚透露老公洪天明患有玫瑰痤瘡，病情不時復發。（吳子生攝）
不過今次入營，周家蔚就爆天明好大頭蝦，唔記得好多嘢︰「佢唔記得帶防曬、蚊怕水同其他嘢。其實天明佢而家皮膚係要好好打理，係唔可以曬，因為佢早排確診患有玫瑰痤瘡，變咗我而家要好好照顧佢嘅皮膚，佢嘅病情好唔穩定，會不時發作，咁所以唔可以熱，又唔可以曬，同埋唔可以激親佢，令佢有脾氣，咁所以我唯有幫佢降火煲涼茶飲。」
周家蔚今日出席品牌活動。（吳子生攝）
玫瑰痤瘡是一種慢性皮膚病，成因包括先天遺傳及後天環境因素而成，主要是控制面部血管的神經系統出現失調，以致面部微絲血管過度擴張，引至充血及引起紅斑等症狀。病癥為面部泛紅、出現紅斑、丘疹。