林正峰與劉溫馨撐枱腳斷正質疑被人擺上枱博見報：我點都會驚
撰文：吳子生
出版：更新：
林正峰澄清同游嘉欣不是情侶關係。（陳順禎）
備受無綫力捧小生林正峰日前被爆背游嘉欣偷會劉溫馨，疑似一腳踏兩船。事後林正峰急急在社交平台發文澄清，直指「學懂世途險惡，以後會更加小心。」似有暗示有人放料借過橋博宣傳。事後劉溫馨在社交平台發文發反擊，並上載多張在迪士尼樂園遊玩的照片，寫道：「世途險惡」、「清者自清」、「童真」、「自己知自己事」及「童話世界」等字句。
林正峰首次擔任港姐司儀。（陳順禎攝）
今日（7/10）林正峰現身電視城出席無綫節目《香港小姐再競選》記者會，便就事件回應：「其實呢單新聞出咗之後，聽到好多不同嘅聲音，我係會唔開心，話開心都係呃你。咁唯有寄情於工作度，搵啲快樂令自己好過。（是否覺得被人利用做博見報？）其實我好難去猜測呢樣嘢，我又唔會俾假設，我只能夠話我乜都唔知。而之前我打過嘅字眼，我之前已經回應咗就唔再特別去回應。（下次再夠唔夠膽再約女食飯？）其實我入行年資唔耐，我諗係呢方面要更加進步。始終經過呢件事之後，我點都會驚，令我會更加小心同加敏感，變咗日後食飯盡量都會一大班人去食，避免不必要嘅誤會。」
林正峰今日出席《香港小姐再競選》記者會。（陳順禎攝）