吳海昕零雜物新居媲美示範單位 貓房靚過主人房雪櫃得一種食物?

撰文:鄧穎琪
出版:更新:

吳海昕(Sofiee)近日搬新屋,雖然她說是小蝸居,但都留了一間專屬貓房畀兩隻愛貓,每個角落都為貓咪舒服出發。今日她出席活動時,就表示雖然貓咪勁少入房,又對她特地設置的貓爬架零興趣,但Sofiee仍然為貓咪有專屬房間而感到驕傲!

吳海昕絕對是超級貓奴,最近為兩隻貓咪搬屋,更留了一間房做貓房。(陳順禎攝)

吳海昕(Sofiee)日前拍攝兩條新屋Home Tour片,整間屋走超簡約日系風,不但全屋零雜物,連衣櫃、雪櫃幾乎空空如也,雪櫃更只得一種食物。不過,她仍然留了間專屬貓房畀兩隻愛貓,布置用心不輸主人房。不過Sofiee就透露貓咪甚少入房,浪費她一番心血。

Sofiee為兩隻愛貓搬屋,她的家居超簡約,可以說是零雜物。(YouTube:Sofiee Ng 吳海昕)

按圖睇吳海昕新屋Home Tour:

+10

今日Sofiee出席護膚品活動,講到她的新屋超簡約,奉行斷捨離風格,她自養貓後比以前更簡約,而自己搬屋亦是為了貓咪,「我之前一路都有搬出嚟,今次搬大啲,因為我有兩隻貓,想佢哋住得舒服啲,同埋轉下環境,因為我想畀個貓爬架佢哋。(佢哋都唔爬嘅!)係囉,最後都係爬櫃頂,但係我自己買得開心。」

Sofiee以粉紅色打扮出席護膚品活動。(陳順禎攝)

講到貓咪有專屬貓房,她說:「因為我真係好錫佢哋,佢哋開心,我就開心,其實隻貓唔係特別鍾意個貓房,最後都係瞓返我張床同埋唔應該出現嘅地方,瞓喺廚房鋅盤,但係我見到佢哋有自己嘅房間,我都感到驕傲!」Sofiee透露自己平時很宅,愛躺在梳化煲劇、睇書、睇紀錄片,新屋客廳有一架小小的自製應援車,有零食、貓玩具等。

Sofiee指自己超宅,愛躺在梳化,聽爵士樂、點香薰蠟燭和敷Cream Mask,有時亦愛煲劇和睇書,總之都是躺在梳化。(陳順禎攝)

除了忙於打點新屋外,Sofiee又透露自己即將參與舞台劇,當中有歌舞元素,所以她有學唱歌、跳舞,更用幾個月時間跟黃秋生、朱柏謙和甄詠蓓學戲,她表示:「想專注喺舞台表演方面,因為覺得自己唔係好識用聲,一路用喉嚨講嘢,亦都唔係好了解自己身體嘅Movement,希望下個作品觀眾睇到我努力。」

Sofiee亦有學戲增值自己,下月就會公布參演的舞台劇消息,裡面還會有歌舞元素。(陳順禎攝)

舞台劇前她會放一個短假期,去旅行拍片,並經營自己的YouTube頻道,「通咗關之後我自己都想拍旅遊片,我鍾意同觀眾互動,自己有開YouTube Channel,拍啲真實少少嘅嘢,除咗想觀眾喺戲劇認識我,都想佢哋認識我本人嘅性格同埋我嘅貓咪。(去邊度旅行?)諗住去啲荒蕪啲嘅地方,我自己鍾意去大草原,過游牧民族嘅生活,或者行山。但我好驚曬黑,所以可能去大草原,住下啲蒙古包。」

請按下圖睇更多吳海昕活動靚相:

+1