東呃西騙|林泳淘收起性感主持新節目:廠比較凍

撰文:吳子生
出版:更新:

林泳淘(Wingto)今日(30/5)現身荃灣出席HOY TV全新節目《東呃西騙》拜神儀式。被問到會像以往在無綫《東張西望》一樣性感亮相做節目,Wingto受訪時笑言:「其實我哋主要係廠景多,加上個廠比較凍,變咗我係要着好多件褸,我先夠暖。不過大家唔使失望嘅,因為我哋有其他女神級嘅主持,佢哋都好正同好索,咁所以大家都可以好期待嘅。」

林泳淘今日出席HOY TV全新節目《東呃西騙》拜神儀式。(陳順禎攝)

被問到有否遭遇被騙?Wingto笑言:「我人生遇到嘅騙案就係俾我老公呃咗。(有冇報警?)哈哈,我就嚟要家暴佢。不過我身邊有位男性嘅朋友,真係遇到騙案。佢有日接到個陌生嘅短訊話佢嘅手機內嘅性感相已經外洩,要佢俾錢,仲恐嚇佢唔俾錢會公開啲相,嚇到呢個朋友分咗幾次俾咗十幾萬,不過到最好係點收科我就唔清楚。」

林泳淘慶幸自己未曾過騙案。(陳順禎攝)
林泳淘今日出席HOY TV全新節目《東呃西騙》拜神儀式。(陳順禎攝)