大埔車輛違泊雙黃線 司機見抄牌求情 警員咁回應1招KO笑翻網民
撰文：田中貴
出版：更新：
為了打擊違例泊車問題，政府一直嚴格執法。有大埔街坊在網上表示，日前見到警員在區內1間幼稚園對開抄牌，有司機見狀立即衝上去求情，希望豁免320元「牛肉乾」，但警員反指司機「𠵱家泊喺雙黃線」，情節更加嚴重，網民以過來人身份解釋「有人$560，無人$320，自己㨂（我試過）」，亦有人指「𠵱家抄牌完全無情講」、「江湖傳聞：抄緊走過嚟求情仲罰得勁啲」。
司機見到警員正在抄牌，於是走近求情，但警員反指司機「𠵱家泊喺雙黃線」，在限制區上落車比一般違例泊車更嚴重。（示意圖/資料圖片 / 魯嘉裕攝）
樓主在facebook群組「大埔人大埔谷」表示，大埔1間幼稚園對出劃上雙黃線，早前見到有警員在場抄牌，有司機目擊過程走近求情，但警員反指「咁唔抄車，我抄人啦，你而家泊喺雙黃線」，在限制區上落車比一般違例泊車更嚴重。
樓主笑言自己當時已經離開，不知後續，但祝涉事司機好運，同時標籤「唔好自己攞嚟衰」。網民紛紛留言指「咁泊係雙黃，預咗啦」、「有時又係唔抵可憐，泊到周街都係，塞車塞到暈」、「抵抄」。
（facebook群組「大埔人大埔谷」）