【跑步.來稿】女生們無懼風雨,UNICEF慈善跑

撰文:
最後更新日期:
無懼風雨向終點進發,可能呢啲就係喜歡跑步嘅表現吧。
Runder Woman

(作者提供)

文:Runder Woman

名馬後第一跑就係3月19號嘅UNICEF Charity Run,好開心得到Adidas嘅邀請,參與半馬賽事,有得跑步又可以做善事,特別有意義。

Edo: 前一晚自己衰 (訓得一個半鐘),0530先到會場,賽前熱身做唔夠,估唔到14K就撞牆,成個人冇力提唔起勁,突然有一刻眼前黑左下,有想暈既感覺,好驚!即刻停左落黎,然後一邊深呼吸一邊行左幾分鐘,之後好啲再慢慢跑返,期間不間斷落毛毛雨,同埋勁大逆風,真係跑得幾吃力,好彩堅持到最後衝線。所以話休息同熱身好緊要(道理一直都知) 小妹今次深深體會到,媽~我下次唔敢啦!賽前24小時最好準備 = 訓夠+食夠+熱身!

(作者提供)

Mandy: 全馬後一星期就即刻跑半馬,心裡都有不少壓力,一方面擔心未recover夠,二來都有腳傷。不過我都知道自己一落到場,就只會盡力跑,咩都唔會諗。零晨時份3點半起身,早上6點10分迪士尼樂園起跑。第一次跑呢條路,初頭以為只有平路,唔太多上落斜,點知...... 頭10公里已經有唔少暗斜,有部份路唔多平坦,不過當日最大嘅敵人係天氣,到11公里開始落雨,風亦好大,一直同啲風鬥力咁,每跑一步都用幾多力,到13公里要上大斜路,幸好揾到個跑者拍住上,之後體力急降挨到終點,完賽時間唔係好好,不過我已經盡左力。

(作者提供)

有參加既跑者都知道今次既UNICEF慈善跑原定喺上年11月27號,但因天氣非常惡劣取消,好在大會重新安排重賽,雖然當日天氣一直天陰陰又大風,甚至之後落大雨,但絕無動搖跑者們嘅心,無懼風雨向終點進發,可能呢啲就係喜歡跑步嘅表現吧。

(作者提供)

(本文為投稿,稿件可電郵至iwanttovoice@hk01.com;文章純屬作者意見,不代表香港01立場。)


請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。