【果欄中的江湖大嫂】終於等到馮盈盈出場：希望大家唔會兼棄我！
撰文：林迅景
出版：更新：
馮盈盈今次做酒吧老闆。（劇照）
《果欄中的江湖大嫂》經過漫長嘅等待，終於有得睇啦！劇集首播2集網上反應都尚算不錯，不少網民都大讚香香公主（岑麗香）同煒哥（陳煒）表現出色。呢排劇中各個演員都落力出post宣傳，其中要數最落力宣傳嘅，就緊係首次擔正做女主角嘅馮盈盈啦。昨日馮盈盈仲喺個人社交平台出post，預計自己會喺《果欄中的江湖大嫂》第2集出場添。網民知道馮盈盈出場，仲個個都話留喺等睇添。
馮盈盈仲預早post IG叫大家支持，點知睇足成晚都未見。（網上截圖）
不過點解睇晒成晚都唔見人嘅？原來係馮盈盈擺咗烏龍。馮盈盈接受《香港01》訪問：「我真係好冇經驗，唔知會因為剪接關係影響出場時間。因為劇本寫我係第2集最尾出場，所以我就以為實冇死我喺第2集出場。」不過睇返facebook留言，就有網民話俾馮盈盈呃咗，要罷睇《果欄中的江湖大嫂》。馮盈盈回覆時就話：「我諗去到星期５之前我應該就會出場，所以大家一定要keep住睇，keep住睇先知我幾時出場㗎嘛。好感激大家咁期待我出場，小女子都好感動。請大家俾多次機會我，我應該係今晚架啦。」
面對網民的支持，馮盈盈說：「小女子開心之餘，仲有啲受寵若驚，同時亦都好擔心期待越大失望越大。我希望大家期待我出場之餘，出咗場之後都唔會兼棄我。」
睇咗成晚先知馮盈盈未出場，搞到班網民嬲嬲豬。（網上截圖）
+5