阿Jim煮嘢有天分，第一次焗威靈頓牛排，已經似模似樣。Wellington酥皮牛排，要肉心焗到啱啱好，難度極高。在一些烹飪大賽中，此牛排是殺手菜式，對手比拼，焗唔熟或Overcook，都會被Foul出局。

上次Jim一試成功，今回三傻到會，座上客之中，有煮餸年資甚高的Donna、剛退休的James、Dr Ng、Dr Leung、Mrs Leung，還有音樂人黃志淙博士。屈指一算，四個博士一個醫生一個校長，陣容強勁，可幸朋友均冇架子，淨係想食好嘢。

Jim說，Wellington是一道大菜，適用於大時節、大宴會，他今回再煮一次，更加上新鮮變奏，皆因席間有客人不好牛，於是Jim就推出「威靈頓豬、牛二重奏」。

酥皮與肉排之間，傳統做法是夾入磨菇蓉，但Jim是設計師，對顏色非常敏感，就想到用紫薯蓉配豬肉作饀料。未焗之前，紫薯蓉搓好，賣相實在好看，Amy、Alby、Louisa幾個靚太吃下去，甜甜的，甜到入心，好sweet。

Jim聰明之處，除了色香味的把握，還有焗煮的火候。為求準確不出意外，他更自備焗爐，令時間溫度，均可做到百分百準確，焗出來的牛排，外層微焦、內層紅潤，一刀切開，豬肉wellington紫薯艷美，呼應牛排wellington的淡紅姿色，立刻贏盡一眾掌聲。

威靈頓牛排食譜

材料：牛柳 600ｇ（圓柱體狀）、Parma Ham 4大片（要厚身點）、磨菇 400g、酥皮Puff Pastry、麵粉調味：黑胡椒 1 茶匙、鹽 1 茶匙、芥末醬 2 湯匙

1. 牛柳下鹽，用大火煎封四面，最後落少許黑胡椒，拿起，要趁熱塗上芥末，放在室溫下放涼。2. 蘑菇用攪拌器攪碎。3. 下少許油，蒜蓉用中火炒香，再落磨菇蓉炒至乾身不出水分。最後落少許鹽、糖、黑胡椒調味，再加入1湯匙麵粉炒勻。拿起，涼一會，再放入雪櫃雪半小時，備用。4. 用廚房紙將磨菇水分盡量印乾。

5. 拉開一張保鮮紙，第一層鋪上Parma Ham，火腿要足夠包着牛柳。第二層把磨菇蓉平均鋪上，最後放入牛柳，拿起保鮮紙向上捲，包完後再按壓一下，左右兩面保鮮紙要扭實，封實兩邊紙口，放在枱上向上推滾至實，否則型狀不美。6. 包好之後，把牛柳卷放入雪櫃。15分鐘後取出，拿開保鮮紙，確保牛柳卷已定型。7. 將牛柳卷放在酥皮上，牛柳四邊的酥皮上塗上蛋黃後，包起，將四邊多餘的酥皮切掉，之後再放入雪櫃雪15分鍾。8. 牛柳酥皮卷放入焗爐，以170度焗25分鐘。9. 焗起後，最少要放在室溫15分鐘，好讓肉汁收乾，不出血水，再切件就完成。

（本文純屬作者意見，不代表香港01立場。）