七師傅孖阮偉倫HOY TV微短劇飾演母子　呻唔夠瞓：朝頭早六點起身

七師傅（七仙羽）和阮偉倫今日（27日）出席「HOY TV香港首部電視微短劇記者會」，他們表示今次會在短劇中飾演母子的角色，接受訪問笑言：「已經唔係兩母子啦！拍完之後變兩兄妹。」七師傅表示：「喺戲裏面做兩母子，經常嗲我，乜嘢都唔肯做，我就開咗一個茶餐廳，有啲錢寵慣咗佢，拍個節目嘅時候佢對我好好，成日幫我攞嘢，真係好似一個仔對媽咪咁。」講到拍戲最難的地方，七師傅回應：「唔夠瞓，我哋要喺好短嘅時間趕晒幾十場，大家嘅檔期都忙，本身係新年期間推出，但我哋拍嘅時候係朝頭早六點起身就拍，然後咁樣就到第二日。」

七師傅和阮偉倫今日出席「HOY TV香港首部電視微短劇記者會」。（梁碧玲攝）

講到七師傅早前提及名人要小心身體，有哪一位藝人今年也需要特別注意身體，她說：「都有幾個都出名，講得咁坦白會令到人哋好驚，大家都要謹慎小心，保養吓個身體提升免疫力，食多啲維他命保重身體，盡量少啲避免去東北方位去旅行，出去人多嘅地方要戴口罩。」