作為職業司機，背負着的是全車乘客的生命安全，理應以專業態度駕駛。不過近日網上流傳1段影片，有小巴乘客目擊司機駕駛期間疑似精神有異，不斷搖身及擺動左手。網民熱議笑說，「練緊詠春」、「佢眼瞓，郁動下提神」、「有一顆拓海的心」、「你唔好打亂佢個節奏，甩beat就好危險」。

有網民就直言危險，「嘩，見到都驚」、「乘客見到咁都唔落車咁大勇氣？大家睇嚟都對生命豁出去」、「見到呢啲環境，仲唔拿拿臨叫有落？唔係想等7日後至返到屋企呀」。

有網民於facebook群組「車cam L（香港群組）」轉載1段25秒影片，問「司機咩事？」。影片由小巴乘客拍攝，當時小巴正行駛中，穿藍色上衣的司機未有專心駕駛，不斷搖擺身體及左手，十分危險，但車上乘客均未有出聲詢問司機狀況。

小巴司機邊揸車邊搖身擺手

有網民留言笑說及猜測，「索咗嘢」、「上緊太空」、「我從來冇放棄過成為偉大舞蹈家嘅心願」、「駛出真功夫，方為大師傅！」、「頭搖又尾擺，飄移境界」、「樂觀啲咁諗佢至少冇瞓着」。

網民：叫有落啦，仲等佢撞咩

有網民指出，乘客為保自身安全，應盡快下車，「叫有落啦，仲等佢撞咩」、「司機，全車前面有落」、「仲有心情影，即刻叫『燈位有落』啦」、「畀我拍完片立即報警，搵阿sir幫手截停佢」。

有認出司機的網民就說，「係咪元朗屯門小巴？個司機會成日喺度笑」、「第一次坐佢後面俾佢嚇死，自己同自己講嘢跟住喺度大笑」、「佢唔單止好似耍詠春咁，仲不停喺度講嘢，不停咁笑」。有網民就猜測司機是否患有疾病，「妥瑞症，但咁嚴重唔適合駕駛，要睇醫生食藥控制，老一輩人唔識呢個病」。