【香港唱好演唱會】錄影前胃痛到面青　陳庭欣：唔知呢幾日做乜嘢

陳庭欣（Toby）在周四（12日）出席無綫節目《香港唱好演唱會》錄影，今次她要跟其他藝人合唱汪明荃（阿姐）的《萬水千山總是情》，她直言都幾緊張：「因為我哋今次係一定要唱live，同埋當中每人都有一句solo，所以唔可以借啲意跟住隔離個嘴型唱，唔得囉！」

Toby今次的衣著非常有型，但她笑指自己「外形就有型喇，內裏就一啲型都冇！」此話何解？原來Toby繼早兩天滑水時撞傷眼角後，錄影這天又胃痛，笑言：「唔知呢幾日做乜嘢自己！」她指剛才是在set頭的時候突然胃痛，然後同事說她「面都青埋」，她說：「我覺得應該係胃抽筋，可能今日食早餐嘅份量唔夠多，又好努力去做運動，跟住又趕返嚟，所以就突然之間好痛，不過後尾休息返之後就OK。」她又指自己從來未出現過像這次一樣胃部劇痛。