【仁濟盃】預演形象大使 張曦雯唔恨做馬主：養馬費用都好貴
撰文：吳子生
出版：更新：
張曦雯（Kelly）今日（12/10）現身沙田馬場觀看「仁濟盃」賽事，同時為11月3日莎莎婦女銀袋日賽事擔任形象大使作準備：「今日就約咗兩位騎師太太，由佢哋兩位帶我喺馬場內走圍行行，又會介紹一下賽馬當日比賽嘅流程，剛才親身喺現場睇住啲馬匹衝線時，啲人喺度歡呼喺度叫，令到成個賽事好震撼又好刺激。」
張曦雯未有想過做賽馬馬主，反而想自己養隻馬多啲，因為可以騎住隻馬玩樂。（吳子生攝）
對於做賽馬馬主，Kelly表示興趣不大：「我反而覺得自己養馬會好啲，因為可以騎住隻馬，但我知道香港養馬費用都好貴，香港地方又少，所以假如有一日我嘅夢想可以喺香港實現，我諗我都幾成功。」
張曦雯由兩名騎師太太陪同觀看沙田馬場「仁濟盃」賽事。（吳子生攝）