【新城勁爆2019】葉文輝做新城DJ都冇特權：估唔到自己會攞獎！
撰文：黃浩晉
出版：更新：
《新城勁爆頒獎禮2019》今年因社會氣氛取消實體頒獎禮，改為在電台直播室頒發共54個獎項，當中有30個獎項已率先派發，所以今日會頒發餘下的24個獎項。
《新城勁爆頒獎禮》各個獎項陸續頒發，剛頒發了「勁爆我信我唱20年賞」，由現任新城DJ兼歌手葉文輝（啤梨）奪得。啤梨本身也是今日頒獎禮主持之一，他得悉獲獎一刻說：「Rundown冇㗎喎！無啦啦有同事叫我入嚟……」回過神來，他搞笑道：「咦，呢個老人獎嚟㗎喎，哈哈！」身旁負責頒獎的新城知訊台執行總監程凱欣也笑說：「我已經唔講㗎喇！」
葉文輝（啤梨）奪得《勁爆我信我唱20年賞》。
輕鬆完一輪，啤梨說感言：「今年第一年自資唱歌，我成日同人講『唔好以為我做過新城電台，我就會攞到新城嘅獎；唔好以為我做新城電台，啲DJ就一定會播我嘅歌』，我見到你哋(DJ們)冇播我啲歌㗎！哈哈！」及後他續說：「真係估唔到會攞獎！打亂咗我個schedule！」他又提到往後會與太太再去旅行共度二人世界。
啤梨表示從沒想過會得獎，亦笑言在新城DJ沒有特權。