林盛斌自爆曾被看更認錯是盧海鵬：阿伯你啲白內障好嚴重喎

阿Bob表示曾被誤當是和尚。(葉志明攝)

阿Bob林盛斌今晚在九展舉行首場楝篤笑《The Bobfather2021》，席間阿Bob不斷玩自嘲，製造笑料，當中以自己在電視行業久了，知名度開始有所提升，反而鬧出不少笑話，他說：「早兩三年前我同助手去到柴灣，一座工業大廈拍廣告，等緊lift嘅時候，有個七、八十嘅阿伯看更出嚟，佢一見到我大叫『大明星』喎，我叫佢唔好咁大聲啦，『你未死架咩?』我覺得佢打招呼方法咁特別嘅?我話未死架，等埋你呀，『咁耐唔見你做電視嘅?攪咩呀?』我話唔係呀?你睇咩台呀?你睇ViuTV?嗰到真係冇我喎，『唔係呀，你做無綫痳，我成日睇你喎，你好攪笑，你以前同大白鯊真係好正』我心諗《大白鯊》?我冇拍過西片喎，『唔係呀，大姐ming 呀，你做《蝦仔爹哋》麻。』你唔係認錯咗我係盧海鵬呀，大佬成單嘢爭好遠，阿伯你啲白內障好嚴重喎。」阿Bob更笑指這位看更，有機會見到Anson Lo以為是張立基。