話咁快就嚟到聖誕假期嘅最後一日喇(嗚嗚~~)，相信有唔少人都會趁著呢嗰時間聚埋一齊開party玩下咁，而今日亦係聖誕節好重要嘅環節之一就係——Boxing Day喇！出名講嘢好抵死嘅農夫都有邀請一班好友包括黃翠如，蕭正楠，唐詩詠以及老友C君同埋佢女朋友一齊到家中開party，他們個個都滿載而歸，但唯獨蕭正楠就比較「嬲嬲豬」！點解？因為佢收到嘅禮物竟然係一個聖誕老人，仲要係灰色嘅！

正所謂「留低都係一份心意」，呢份禮物正正係來自陸永嘅，係片段所見蕭正楠滿心歡喜咁拆開份禮物，無入鏡嘅C君係旁邊仲要好抵死咁話，「份禮物包得好靚！」點知佢一拆開竟然係一份灰色嘅聖誕老人，蕭正楠見到流露出好無語嘅樣子，係旁邊目擊成個過程嘅C君仲發出極具魔性嘅笑聲。旁邊疑似係黃翠如嘅聲音仲即刻話要影相留念，而陸永就解釋，「我幾有心呀！好難買到一個咁樣衰嘅聖誕老人！」