《福祿壽十周年演唱會》開鑼 李司棋唱歌瘋狂甩beat兼走音
撰文：鄺鈺瑩
出版：更新：
「我係瘦咗25磅嘅阮兆祥」、「我係扮女人靚過自己老婆嘅王祖藍」、「我係最受女人歡迎嘅李思捷」一連兩晚嘅《福祿壽十周年演唱會》終於開鑼。福祿壽三佬分別以蝙蝠俠、神奇女俠及IronMan造型現身並跳唱近10分鐘。李思捷笑言很難界定福祿壽到底是什麼組合，既不是達明一派又不是溫拿，但卻可以登陸紅館兩次，如同奇蹟一樣。
福祿壽開騷不忘互串。（江智騫攝）
一輪虛寒問暖之後，李思捷問兩位拍檔「到底呢十年你哋搞咩？」王祖藍指住阮兆祥話自己以前都幾喜歡電視。「但依家星期一到七都見到佢，唔睇電視聽電台，結果又有佢，電視電台唔聽，結果又喺新光戲院見到佢，呢啲咪就係『祥在你左右』囉。」之後又指十年前在雜誌常常見到李思捷「唔係同春卷就係同唔個邊個女星一齊。」明笑李思捷風流，結果被對方以「我都成日喺江蘇衛視、湖南衛視、央視見到你，係有一個台見你唔到，就係翡翠台。」回敬，明笑祖藍近年只顧內地市場，甚少出現大台，祖藍聽罷只能笑笑表示「又唔係嘅」。
福祿壽互寸精彩內容，呢度有得睇：
【福祿壽】王祖藍、阮兆祥、李思捷絕密片 即興英文唱爆笑廣東歌
福祿壽開騷，一眾圈中好友汪明荃、鄧兆尊、湯盈盈、蘇玉華、陳敏芝、吳業坤都有到場支持。（江智騫攝）
+2
福祿壽之前講明每晚至少有五位嘉賓，呢晚首位出場嘅就係李司棋，之不過司棋姐未知是否太緊張，且或耳機出問題，唱《啼笑恩緣》時頻頻甩beat兼走音，恐怖程度拍得住汪明荃。
李司棋唱《啼笑恩緣》，甩beat又走音，驚嚇多過驚喜。（江智騫攝）