劉嘉玲日前以一身黑色透視晚裝出席晚宴，大會安排了名貴珠寶給嘉玲姐穿戴，講到身上珠寶，嘉玲就表示好鍾意，熱衷各類投資的她，珠寶亦當是收藏興趣之一：「自己都有買，又唔係話買好多，女人嚟㗎嘛。」

除咗珠寶之外，嘉玲姐亦會買一啲有收藏價值嘅藝術品，因為可以保值，不過嘉玲姐講到除咗藝術品保值之外，香港都有好多嘢好保值：「香港嘅房地產啦，宜家都好保值啦。」當問到買過最貴重係乜嘢，嘉玲姐就表示唔記得了。

嘉玲姐表示一直都在忙自己有份演出的舞台劇，並且已經準備緊排戲，仲反問記者：「你唔覺得我瘦咗咩？」嘉玲姐續說：「瘦咁多係好，狀態都會好，人都會健康啲。」問到瘦身秘訣，嘉玲姐大方地回答：「其實都係做多啲運動，食少啲，早少少瞓就可以。」藝人生活一般都係多姿多彩，但對於嘉玲姐同老公梁朝偉嚟講就唔係，嘉玲姐透露自己生活好規律，而偉仔仲規律過佢，更說老公平時幾乎都唔出街。