【刑事偵緝檔案】蘇玉華要拍新劇 鍾麗淇加入劇組與梁榮忠撻著
撰文：林迅景
出版：更新：
《刑事偵緝檔案》成個系列真係好好睇。（網上圖片）
《刑事偵緝檔案II》今晚播到31集，講到蘇玉華飾演的Gigi姐（容金枝）被車撞死。事實上這個安排，是因為劇集需要臨時加推10集而同時間蘇玉華要拍其他劇集所至。而這個安排，其實亦引至後來鄭秀文（Sammi）受邀加入劇組、Sammi的插曲《愛的挽歌》爆紅。同時亦因為「蘇玉華已死」，在《刑事偵緝檔案III》中，監製潘嘉德（德哥）就找來當時的新人鍾麗淇「替補」蘇玉華（容金枝），成為劇中義仔（梁榮忠飾）的女朋友。從而又間接令到鍾麗淇與梁榮忠相識再而成為現實中的戀人。
未睇來龍去脈嘅朋友，可以睇咗呢2篇先
【刑事偵緝檔案】臨時加10集1個月內起貨 蘇玉華點解被賜死？
【刑事偵緝檔案】蘇玉華突然被車死 監製話鄭秀文隨即加入有原因
估唔到當時TVB高層一個決定，就影響咗咁多事。（網上圖片）
監製潘嘉德（德哥）接受《香港01》訪問時說：「我記得嗰時鍾麗淇都未參加香港小姐，佢係去面試之後就簽咗約入訓練班。其實我都幾鍾意佢㗎，我覺得佢好似唐麗球（1984年參與香港小姐競選奪得季軍），好端莊又清新。咁啱要拍開第《刑偵３》，咁就梗係要用啲新人啦。嗰時都有搵咗佢試鏡，佢啲戲其實都好自然，同埋著起軍裝都好似。」
鍾麗淇梁榮忠仲因為《刑事偵緝檔案III》而做咗情侶添。（網上圖片）
「雖然佢唔多識中文，廣東話又唔係正，我用香香都係咁用啦。其實試鏡嗰時都有4，5個演員，PA吖，導演、編劇同我都有俾意見。同埋我哋會幫佢角色度身訂做㗎嘛，至加上同劇仲有梁榮忠呢個演戲高材生喺度，又有陶大宇，佢哋同鍾麗淇對戲都會幫到佢好多。」所以，由最初TVB與ATV的對決開始，到後來《刑偵2》加開至40集，之後更令鍾麗淇在第一套劇集《刑事偵緝檔案III》起就受到關注添。