【美女廚房】擔心食到出事 孫耀威入廠前打底：同事叫我帶胃藥
撰文：賴家杰
出版：更新：
孫耀威（Eric）今日（15日）出席《美女廚房》擔任嘉賓，《美女廚房》呢一個節目其實用另一個名字稱呼為「地獄廚房」也不為過，至播出以來每一個嘉賓上到嚟，亦會準備保命工具。Eric透露原本用一個輕鬆心情做嘉賓，直至出門口時候公司同事打電話俾佢，「我同事打電話嚟好嚴重同我講，叫我帶定胃藥，臨半個鐘前食兩粒打底，怕我有乜反應，我問佢講真定講笑，佢話講真，咁我就意識到好似唔係講笑，今晚嘅廚神可能好地獄，所以我宜家都驚驚地。」
孫耀威（Eric）今日（15日）出席《美女廚房》擔任嘉賓。（梁碧玲攝）
其實Eric家中亦有一名「地獄廚神」，此人就是老婆陳美詩：「佢以前真係唔識煮飯，譬如我鍾意食牛扒5成熟，佢可以煮到牛肉乾咁，反而豬扒佢又可以煮到5成熟，不過佢會錯誤中學習，更好彩係我媽媽煮飯好叻，所以我同我媽媽講太難嘅廣東菜唔好教佢，我叫我老婆跟佢學煲湯，之後佢開始鑽研呢件事，其實成件事情好Sweet。」至於煮飯方面Eric都話，不要讓太太負責，交由他自己下廚就好。
Eric除左俾老婆煲湯，煮飯絕對唔會俾佢去煮。（梁碧玲攝）
Eric演唱會在即，他直言今次演唱會不斷操弗自己，更會苦練六嚿腹肌，「其實演唱會當然希望自己身型好，唔係因為要練到腹肌咁膚淺，我哋六塊腹肌係可以幫助丹田唱歌，除唔除衫到時候再睇觀眾反應，練腹肌真係因為係要條氣好啲，丹田好啲，除幾多衫到時睇Feel啦。」
+3