張秀文今日（28/9）以代言人身分拍攝新一輯內衣廣告。秀文透露今次做代言人為期一年，酬勞有六位數字相當可觀。「今次拍攝內衣廣告，是秋冬系列，有優雅女人味多啲嘅元素喺裡面，要拍攝30多套不同款式內衣，依家只係拍咗20套左右，又會拍短片教人點樣戴bra，又會有女神造型啦，着住唔同類型嘅內衣教人唔同埸合的配搭啦，其實載bra都係一門學問。」

張秀文自爆讀書時期，試過買錯Size戴錯bra。她指：「我細過嘅時候，對bra嘅認識係唔夠，冇話依家咁講究，有咁多不同功能嘅內衣，好記得𠴱陣時，戴咗一個比較薄嘅bra返學，啲同學仔見到我陰陰嘴咁笑，後尾先發覺原來我突點，非常尷尬。有咗經驗之後，對戴bra認識多咗，如果戴錯bra，其實對個人都會好大影響，自己本身唔鍾意裸睡，所以宜家瞓覺都會戴住瞓，會有安全感。」