Cheronna與男友黃奕晨參加維港渡海泳 ：啲水又凍好又大浪
撰文：陳栢宇
出版：更新：
Super Girls成員Cheronna（吳嘉熙）日前與男友黃奕晨齊齊參與維港渡海泳，由尖沙咀出發游到灣仔。她事後接受訪問時坦言好好：「我哋參與優悠組，唔使鬥快，可以好放鬆咁游，喺平時得渡海小輪經過嘅海中心，攬住個浮波周圍欣賞風景，係一個好特別嘅經歷。喺海中心個感覺真係同游泳池好唔同，浮力大好多，啲水又凍好多，同埋好大浪。」
Cheronna與男友黃奕晨參加維港渡海泳。
Cheronna坦言中段時開始與男友並排游，好讓可以互相照應：「仲可以傾到偈！我哋又有自由式同蛙式，歐愷淳同我哋講，游自由式要留意方向，但係Dixon冇留意到，一支箭游咗去另一個方向，我大聲叫『係呢邊唔係嗰邊』，佢都聽唔到。我哋亦都試過好多招式，好似拖住手游自由式咁，原來係好難。」她又笑指自己比賽前一日肚屙，所以好怕自己在海中心出「意外」。
Cheronna坦言自己與男友在海中心試了不少招式，包括拖住手游自由式。