【跳躍生命線】羅天宇望演消防增陽剛味 承諾收視35點騷鋼條身型
撰文：翁漢瓏
出版：更新：
下星期開始《跳躍生命線》將正式進入結局週，羅天宇今天（4號）亦現身為劇集宣傳，提到飾演紀律部隊的困難，天宇表示：「其實最難嘅都唔係醫療設備點用或者要記熟行內術語，呢啲嘢肯背就一定背到，反而最難係要帶出救護員捨己救人嘅精神，劇集入邊即使唔同角色有唔同性格，但佢哋都一樣具備住捨己救人嘅精神。」天宇十分喜愛飾演紀律部隊的角色，更揚言希望可以挑戰飾演飛虎隊或者消防的角色：「因為紀律部隊，尤其是消防員畀人嘅感覺係陽剛、男人味重啲，加上能夠成功喺火場救人出嚟絕對會有好大成功感，有機會我都希望可以參與演出。」
羅天宇希望可以挑戰更多紀律部隊角色，如飛虎隊或者消防員，皆因能予人感覺「陽剛」、「男人味重啲」。（黃國立攝）
《跳躍生命線》星期一起進入結局周，相信觀眾都非常關心天宇和陳瀅的感情線最終能否開花結果，但天宇本人卻更加看好另一條劇情線：「我覺得愛姐條感情線係值得期待嘅，因為佢條線真係好深，而且好貼地，相信能夠感動到觀眾。另外都希望我嘅爸媽快啲和好啦！」
提到收數好會否回饋觀眾，天宇表示收視到35點就會show比大家睇下佢嘅「訓練成果」。（黃國立攝）
既然拍劇涉及紀律部隊，當然少不了要體能訓練一翻，早前有提到天宇為拍劇每天健身減去20磅，但劇集中可以展示身材的場口並不多，惟有天宇挺身而出為弟弟擋刀時可以一窺他的腹肌訓練成果，相信觀眾也不會滿足吧，提到收數好會否回饋觀眾，天宇表示：「35點啦，收視到35點我會考慮下騷比大家睇下我嘅訓練成果！」
+3