梁洛施到倫敦公幹 指囝囝「ok掛住」她
撰文：李婉文
出版：更新：
梁洛施（Isabella）今日（28日）出席品牌活動，被問到早前到倫敦公幹的事情，Isabella就表示：「我去咗倫敦嘅時裝周，天氣非常好，所以我覺得非常幸運，因為我舊年去嘅時候，天氣好差。」她也非常享受在倫敦的時光，「其實我無乜特別去邊度，但就係享受吓自己嘅私人時間。喺嗰邊食咗好多嘢，我去咗個shopping mall，佢有一層全部都係朱古力，就係咁食朱古力，所以我返嚟要日日跑步。」
Isabella今日（28日）出席品牌活動，大談與囝囝們的相處。（梁碧玲攝）
Isabella到了倫敦工作，她指囝囝也會想念她，她笑言：「佢哋都會掛住，但係佢哋可能依家開始大個，有自己啲朋友，所以ok掛住啦！」她指大囝今年十歲，一對孖囝都九歲了。
已為三子之母的Isabella表示不會因為照顧小朋友而沒時間替自己「扮靚」，她說：「因為小朋友星期一至五都要返學，咁佢哋返學時間我就可以出嚟做嘢，所以最緊要平衡到自己時間，家庭同埋事業。」
Isabella表示兒子們都開始長大，有自己的朋友了。（梁碧玲攝）