【致所有愛過的人】煞科完畢未獲新工作 馬貫東自我增值考船牌
撰文：吳子生
出版：更新：
馬貫東今晚出席無綫新劇《致所有愛過的人》煞科宴。（劉智源攝）
馬貫東今晚（4月8日）與劇內演員林文龍、黃翠如、連詩雅、陳自瑤，一同出席無綫新劇《致所有愛過的人》的煞科宴。他透露在劇中會與連詩雅發展為情侶，也因此兩人經常會有親熱鏡頭：「我本身同詩雅係唔認識，開拍冇耐，就要我同佢拍親熱戲真係有啲尷尬，不過每次埋位拍之前，我都會同佢講聲溝通好咗，我先會攬落去。大家相處耐咗熟識咗之後，拍嘅時候都冇咁尷尬，仲演得好流暢。」
馬貫東有意考船牌，但未有考慮做船主，因為他應為保養維修費非常昂貴。（劉智源攝）
劇集煞科後，馬貫東透露公司暫時未有新工作安排：「我呢段時間當放下假，搵啲嘢學下增值下。其實我好想學揸船，因為好細個嘅時候，成日喺度諗揸船係咩咁感覺呢，所以呢樣嘢係我嘅目標，睇下嚟近有冇時間學。」至於幾時有得回歸《愛·回家之開心速遞》再飾演「秦博思」與「Mandy」再續前緣，他就回答說：「要睇劇情推進，再等安排。」
+15