【後生仔傾下偈】貪靚用電流瘦面棒慘變爛面 馮盈盈：起晒疹咁
撰文：吳子生
出版：更新：
無綫節目《#後生仔傾下偈》今日（6/9）於將軍澳電視城舉行記者會，宣布三位美女黃美棋、林穎彤及戴祖儀加盟做主持。麥明詩笑言會搵監製投訴：「點解搵女主持，唔搵男主持，其實陸浩明都攰，係時候換一換，畀啲刺激我哋。」馮盈盈就話：「唔好以為加入咗3個女主持人，就覺得好穩陣，其實仲有好多合適人選可以加入。」
有三新女主持加入，麥明詩笑言是時候要求監製將陸浩明「撤換」。（葉志明攝）
貪靚是女人的天性，馮盈盈為咗上鏡更加索爆，不惜網購電流瘦面棒瘦面，結果搞到爛面：「因為我之前聽朋友講呢支瘦面棒好好用，不過已經停產，於是我喺二手拍賣網站，用500蚊嘅價錢買咗，每次化完妝後用，效果真係有效，塊面真係瘦咗，但用耐咗啲電流係會刺激皮膚底層，搞到我塊面全部都係敏感，出晒一粒粒，好似起晒疹咁，我想講喺《白色強人》有一幕講我同何廣沛鬧交個場戲，影到我成埋面都係粒粒，就係個支棒搞成㗎！」
馮盈盈為了靚，差點搞到爛面收場。（葉志明攝）