【武漢肺炎】張兆輝慨嘆世界變了樣 人只為自己著想：好似打緊仗
撰文：賴家杰
出版：更新：
張兆輝今天（5日）出席劇集《黃金有罪》的宣傳活動，這劇集播出後，收視良好，尤其是在內地。憑這劇集有很多網友大讚輝哥演技良好，輝哥笑言：「有人讚係開心，但唔可以飄飄然。觀眾睇得開心其實真係好難，但當有唔同角色演出嚟大家都會有唔同睇法。」
輝哥說就算演戲演了很多年，但也會有一個追求演技進步的心。（陳順禎攝）
昨天（4日）是輝哥的生日，可是撞正武漢肺炎、澳洲山火等，令他覺得今年生日過得並不算太愉快，他說：「其實我覺得成個世界嘅人都好似為咗自己，其實以前世界好和諧，雖然唔同地方，但大家都一齊努力打拚。依家可能實在太富裕，好多時候只係諗咗自己。我覺得好似打緊仗，世界大戰一樣，不過唔係用炮彈，我覺得大家應該要同舟共濟，面對疫情。」
輝哥理解現在大家搶口罩的心情。（陳順禎攝）
現在武漢肺炎令市民人心惶惶，輝哥明白害怕是一件正常的事情，「其實最緊要唔好去人多地方，我哋平民百姓都係要勤洗手。少一個人再有呢類case，就可以幫輕醫護人員負擔，如你唔多事當幫忙，隔一兩星期過咗危險期唔畀佢擴散就好。」