專訪│TVB拖累港劇發展？ 林保怡指觀眾同樣有責：你可以選擇㗎嘛
ViuTV新劇《歎息橋》剛於上月底播畢，這場近年難得一見的港劇新實驗暫告一段落，然而本地劇集發展的討論不應停止，因為電視產業從來都跟現實扣連，來到2020年，港劇已經返魂乏術？失去內地市場和資金便仆直？演藝界沒有新人？這些問題都需要業界不斷尋找答案和方向。
監製林保怡出席節目《講畀大東廳》時承認，港劇光輝不再是鐵一般事實，但絕非「唔掂」，至少無綫和ViuTV至今仍然不斷製作新劇，如其不斷停留在這種悲觀論述，不如向前看。他趁這個機會向我叮囑說：「我覺得你應該教育觀眾，以前，係，有好多經典，可以值得回味，但大家都要向前望。」
同場的周家怡亦認為大家不應眷戀往昔美好，「就算嗰陣時幾經典，你拎番嗰套出嚟（製作）都係以前，點解要用以前嘅經典做指標，仲嘗試拍套嘢好似以前嘅經典，咁你睇經典台啦。」節目裏亦無可避免說到「港劇發展停滯不前」這點，很多網民將槍頭瞄準無綫，林保怡對此不以為然，反指觀眾也有責任，「你可以選擇㗎嘛，如果唔鍾意佢哋拍嘅嘢，咪唔好睇囉！」
撰文、主持：游大東
短片：呂榮棟、黃卓敏
剪接：黃卓敏
攝影：葉志明
《歎息橋》是有迴響的，無論敘事方式、鏡頭調度、角色性格、背景音樂、都有很多人討論，反而演員陣容出奇地較少人提及。如果熟悉電視行情，再細閱演員表，就知道這是千禧年以來難得一見雲集本地老中青三代演員的港劇，當中最年長的「Ming Sir」劉兆銘（88歲），與最年輕的劉皓嵐（12歲），歲數相差竟達76歲，傳承的感覺強烈；而劇中有11個角色分別設有年青版和成年版，合共22位藝人參演，當中陳奐仁（Hanjin）、衛詩雅、邵美君、凌文龍、黃子澄都是甚少拍劇甚或首次拍劇，他們與其他演員走在一起，新鮮感爆燈，於我而言，這個組合是黐線地厲害，相當吸引。
我好奇，是否因為《歎息橋》獲得ViuTV和優酷的同時出資，製作費相對充裕，所以能夠讓監製林保怡「盡地一鋪」邀請這班演員聚首，演一次好戲？周家怡率先笑着代答：「其實唔係好多錢㗎喳！」林保怡則一臉認真的解釋。「唔關錢多錢少事，呢啲係要㗎，（開一套劇）應該要咁樣！」他的意思是，演員能否加入劇組，很大程度在於其個性和演技，最後交予兩位導演的（二五、肥波）決定，角色是否需要存在，在乎編劇怎樣寫故事。「每個角色嘅背景同埋出身，父母係點？做咩職業？每樣嘢都好穩固好紮實，有晒喺度，佢哋（年輕演員）就會好好演，去到我哋演成年版嘅時候，又會好容易投入，唔係好片面咁介紹角色：20歲、性格開朗、自信，冇喇！」
Bowie承認陳奐仁角色難演 與Ming Sir演父子圓夢
云云演員當中，陳奐仁飾演成年版的胡啟源（Ken）的討論較多，畢竟他並非科班出身，加上阿Ken的角色設定確實乞人憎，有觀眾直指他是此劇的敗筆，但林保怡認為有需要為他辯護。他認為阿Ken自細已面對母親很大壓迫，情緒長期受困，成年後他甚至有機會患精神分裂，但自己不察覺，「原本係我去演阿Ken，但如果你做老闆，喺呢個咁商業嘅社會，當然係繼《瑪嘉烈與大衛系列 綠豆》之後，我同周家怡一Pair會好啲，所以就變成我演Thomas。」Bowie承認，邀請Hanjin演出阿Ken頗大膽，「一個歌手要突然間去演咁Heavy嘅角色係吃力嘅，係辛苦嘅！所以事前都同佢傾咗好耐，望下手錶，由晚飯一直傾到凌晨四點，因為兩位導演同佢唔係好熟，所以要傾咁耐。」
劉兆銘（Ming Sir）在劇中飾演李子勇（Thomas）老年版的父親也值得討論，他縱橫戲行逾40年，是大名鼎鼎的演技派，深得圈中後輩尊敬，今次跟林保怡演父子，算是還了二人多年心願：「我哋好欣賞對方，大家都講咗好耐（合作），佢話：『如果我哋可以一齊做戲就好喇仔！』但除咗喺舞台劇（《李察三世》／2009）合作過，未同佢一齊拍劇。」Bowie清楚記得與Ming Sir一同拍攝舊居鬧交的那一場（第一集），「佢入到嚟，就話：『拍得㗎喇！』已經做好晒造型，着啲老人家着嘅白色底衫、頸上綁條帶，我覺得呢啲就係個角色需要嘅嘢，埋位時，佢記熟晒啲對白，仲記埋其他人嘅對白，總之起承轉合，整件事都好自然，好順利。」
點擊下列圖輯，欣賞林保怡與周家怡精美專訪照片：
推薦劇中新人 周家怡竟然話：唔好提岑珈其！？
至於秦沛，Bowie也是讚不絕口，「二五用『神級演員』形容佢，我又真係覺得好貼切，佢同衛詩雅同Hanjin嘅每一場戲都係快靚正，同埋係『到』（準確）呀，就算『唔到』，你同佢講一兩句，佢已經知道點做，又可以做到畀你睇。」談過老一輩，又怎能不提劇中一眾新勢力？周家怡說：「佢哋嘅演出，幫我哋個角色打咗好好嘅基礎。」Bowie亦說，劇中所有年輕演員對於演繹角色時都拿捏精準，轉數快，應變能力甚高，於是乎我邀請他們各自推薦一位新演員，他們嫌不夠喉，結果變成各自推介兩人，但就是不提岑珈其，究竟點解？至於獲推介的又是哪四人？所有答案都隱藏在今集的《講畀大東廳》，睇完就會知答案。
點擊下列圖輯，欣賞《歎息橋》精美劇照：
游大東其他《歎息橋》文章：
【講畀大東廳第六集】周家怡埋怨林保怡 拍《歎息橋》沒份去比利時：編劇只我講電話
【歎息橋】伍詠薇鬧走潘燦良一幕有原型 女藝人13年前《志雲飯局》曾剖白
【歎息橋】兩代角色不連貫？ 陳健朗：可以係平行空間嘅兩段故事！
【歎息橋】黃定謙太投入角色「驚到喊」 岑珈其感激伍姑娘主動建立默契