【超能使者】王君馨演黑幫睇林子善跳辣身舞 唔驚老公詐型

無綫新劇《超能使者》今日拍攝一場林子善跳辣身舞的戲份，劇中女主角王君馨 (Grace) 就激讚子善的爆肌身型，同劇的劉穎鏇和伍樂怡 都看得十分之興奮。

談到Grace於劇中的角色以及這一場戲，她說：「我係飾演一個黑幫大家姐嘅角色，今日呢場戲係拍我出場，我喺自己嘅夜總會度請dancer，子善就係嚟應徵嘅dancer。我之前拍《城寨英雄》都有喺夜總會跳舞嘅戲，嗰時我又要節食又要束腰，拍呢套劇就唔使再咁辛苦喇。子善操咗三個月，仲要甩水嚟令啲肌肉靚啲，就係為咗呢場戲。我頭先睇到都嘩一聲，真係very good，有啲位係似健美先生咁樣。」

Grace笑言自己好有眼福，也不怕老公詐型呷醋，她說：「我一陣會睇子善真係跳辣身舞，好有眼福，呢啲唔係𥄫仔，而係欣賞我嘅拍檔，我畀佢滿分。我等陣仲要打佢pat pat一下，我會打響啲，務求畀觀眾有更佳嘅視覺同聽覺效果。」她又透露她的角色感情戲比較複雜，另外又要對住好多社團大佬，有好多內心戲。