陀槍師姐｜宣萱戲中愛貓湯圓超搶鏡　現實中愛心爆棚貓狗共冶一爐

劇集《陀槍師姐2021》正在熱播，呢次換上宣萱做女主角，戲中佢係個貓奴，愛貓湯圓相當可愛，之前宣傳活動上宣萱都同佢形影不離。現實生活中宣萱係出名嘅愛狗之人，原來佢仲有收養貓，一屋寵物愛心爆棚﹗

好多人話拍攝小朋友同寵物係最難搞，湯圓喺劇中佔戲甚重，宣萱都大讚佢係隻天生明星貓，好多時一TAKE就拍完。宣萱曾同時飼養6隻狗狗，而且每次都係領養唔會購買，2018年喺SAA（保護遺棄動物協會）領養一隻已8歲嘅中年貓Ding Ding，家中貓狗相處融洽。

去年宣萱拍劇時遇上Pasty亦即係劇中嘅湯圓，佢話接觸多咗令佢對貓更感興趣。愛心滿瀉嘅佢，領養從來唔會揀品種年齡，亦身體力行宣揚訊息，希望大眾以領養代替購買，令中老年動物都可以安享晚年，相當有愛心。