廖子妤（Fish）今日（25/4）現身尖沙咀出席品牌快閃活動。提到即將舉行第43屆香港電影金像獎頒獎典禮，Fish接受《香港01》訪問時表示：「一陣完咗呢個活動之後，我就要為金像獎進行綵排，因為今次我係頒獎嘉賓，同埋要再一次去試衫，希望能夠趕得切修改好，淨係件衫對我嚟講都已經有啲壓力。」

Fish續說：「其實我日日都有好多嘢諗，變咗我而家學習緊唔好控制咁多嘢，要個人放鬆啲，因為可能個人成日過份精神緊張，加上又食冇定時，搞到個胃有事，成日都會痛。喺大半年我就去咗睇中醫，開始食中藥，而家個情況係有改善，我覺得最重要係學識點放鬆心情，呢個先係最重要。」