東張西望丨陳彥行出示紅簿仔證月入3萬 斥遭虛報收入買大額保單

撰文:張國基
出版:更新:
行姐投訴銀行經紀不實,用盡媽媽資金買入大額保單。(電視截圖)

無綫(TVB)資訊節目《東張西望》今晚(28日)繼續跟進陳彥行與母親墮入的3000萬保單騙局。昨日報道出街之後,行姐在社交平台反擊:「要繼續幸災樂禍,落井下石的隨便,衷心感謝真心關心我的人。」

《東張》今日繼續透露事件始末,原來銀行經紀佘先生在一年半時間內,以行姐媽媽的資產買入總共六份保單,當中有三份超大儲蓄保單在五日之內買入,其後又再買入兩份超大儲蓄保單及一份危疾保單,每份年繳約100萬,全保單換算合共約3000萬,最終行姐發現,當中有五份已失效。

六份大額保單有頭三份在5日內買入,內容相同。(節目截圖)

東張西望丨陳彥行哭訴遭理財主管呃簽3千萬保單:會討返呢個公道

行姐在節目中十分激動,狠斥經紀佘先生不盡責並隱瞞實際情況:「我曾經收過啲文件話有啲嘢失效,我都有問佢。」行姐並播出佘先生錄音,對方稱已與行姐媽媽跟進,不用理會文件。而超大保單另一可疑之處在於供款能力,行姐出示紅簿仔指經紀佘先生虛報收入:「佢我話我每月收入10至12萬,但我當時做電台只係得3萬幾人工,佢又話我有其他收入5萬蚊,又將我媽媽嘅業權寫做我名!」

行姐愈講愈激動並落淚語窒:「後尾媽媽同我講,佘生叫佢由其他銀行提出資金話要幫手理財,我媽媽咁信任佢,將其他所有銀行嘅嘢擺晒入佢戶口度,佢用盡晒所有資金!我媽媽已經75歲,啲錢係佢辛辛苦苦幾十年搵返嚟,點解佢明明可以安享晚年,點解呢個時候會認識咗呢個佘生一舖清袋!」

行姐不忿:「明明媽媽可以安享晚年,點解會認識到佘生一舖清袋。」(節目截圖)

45歲陳彥行遭呃簽3千萬保單 出身名門一直唔敢提︰怕影衰祖先

節目又透露行姐7月曾向銀行投訴但不成立,保監局又將事件轉交金管局跟進但冇結果,令行姐相當不忿:「呢年事一開始係錯,點解要繼續錯落去!」直至節目跟進後,銀行、保險公司、行姐才達成共識。

+8
行姐近年較少出現在幕前。(Instagram@joyce1026)