《愛．回家》Terry為夢想畫繪本　自己送埋貨：拉勻唔使蝕嘅　

星爺經典金句「人冇夢想同條鹹魚有乜分別？」，所以脹爆可以係歌唱家，豬肉佬夢想係當上舞蹈員，而《愛．回家》系列的Terry李偉健，同樣可以視漫畫家為夢想。但這條路卻殊不易走，近日李偉健在Facebook專頁，推介他所畫的《娛樂圈愛回帶》及《娛樂圈愛回帶又再回帶》，還標明送親筆簽名畫及親自交收，售價呢？68元！不少粉絲在網上留言力撐，令李偉健相當感動。

李偉健出錢出力推出繪本，現時還要自己送埋貨，也只是向夢想踏出了一小步。他接受《香港01》記者訪問，問到他現時銷情如何，能否回本？他笑說：「依家都幾好，應該拉勻唔使蝕嘅。(會唔會冇貨？)有排都賣唔晒啦。」李偉健以商業秘密不肯透露投資金額，但眾所周知，為無綫打工份糧只能去到餓不死程度，但他仍一味堅持自資出版繪本，還說正在籌備出第三本。

頭兩本繪本的內容，主要圍繞娛樂圈的趣事，所見所聞。到了第三本，李偉健說會畫吓其他東西，如鬼怪懸疑。他說：「其實有晒構思㗎啦，一得閒就畫啲咁啦。(一方面要拍劇，又要畫畫咪好辛苦？)都係呀，所以進度都好慢。」記者建議他可選擇近日的政治題材，例如「七警」、「特首」，肯定可以一炮而紅。李偉健道：「我一向都係畫輕鬆啲嘅嘢，所以都係Q版公仔，敏感嘢唔畫啦，而且呢類題材早有人畫緊。」其實以他藝人的身分，再出繪本爆娛圈黑幕，也是不錯的考慮？他連忙說：「點敢呀？大佬」。

「其實漫畫呢行同娛樂圈一樣，有錢嘅可以好有錢，冇錢嘅咪繼續冇錢囉，有興趣就得。現實啲諗等於有人鍾意踢波、打籃球，而我鍾意畫漫畫咁啫。」李偉健道。聽李偉健說原來很多本地漫畫家，往往只能當兼職，他歸咎於「紙媒行業唔係太理想，唔敢諗將畫漫畫當作正職，而且我好多Friend畫得比我叻，依家大家攞啲作品出嚟睇吓，嬉嬉哈哈咁就算啦。」提到他在Facebook留言指購買繪本人士，他除了親自交收，更會畫Q版公仔一個，若然不停有人訂購，豈不是周身唔得閒，他嘆說：「睇下時間啦，或者係我玩開嘅拳館交收，都好方便嘅。」李偉健將會在《愛．回家之開心速遞》，飾演龍力王一角，究竟跟羅樂林飾演的龍敢威有何關係，大家要拭目以待啦。