【全職沒女】做陳瀅賤前夫夠晒賤 許家傑:唔鍾意真係做唔到呢行

撰文:黃梓恒
出版:更新:
在《全職沒女》中演一個賤人都真係入型入格,不過真係好nice。(網上圖片)

《全職沒女》這個星期進入大結局,在劇中飾演陳瀅前夫的賤男百家樂昨日(3日)終於惡人有惡報被斬死。但在現實中,這位賤男並不賤,相反更是一位為了做戲瞓身的人。放棄本來有機會做核數師的高薪厚職,賭上了自己的人生,毅然踏上2009年香港先生的路上。他,順利拿下了冠軍,順理成章地進入了TVB,順其自然地開始拍劇,看似一帆風順的演藝路卻換來一句:「我無見過你嘅?」。希望大家記住他,看完他的人生你可以不欣賞,甚至嗤之以鼻,但你不能埋沒他的名字 ── 許家傑(Jack)。

一個會落街場打波,去茶仔食飯嘅港男。(林迅景攝)

或者大家對Jack的第一個印象不是拍劇,而是《東張西望》的主持,他回想以前的經歷:「其實頭五年都唔知自己做緊乜,都係公司不停叫我去試,拍劇、做主持、出活動,其實都未知自己鍾意啲乜嘢。但到我拍《飛虎2》嗰陣,我就真係開始諗我嘅人生究竟要點樣做,我應該係做一個演員定係藝人呢?我嗰陣就選擇咗做一個演員。所以就放棄咗當時好穩定嘅《東張西望》主持,因為我覺得我繼續做落去一定會無晒火,做《東張西望》係好得意,但生活太規律喇,同埋我知道自己鍾意做戲。」在《東張西望》做了一年多的主持,他知道自己並不是喜歡做主持。在拍戲的時候,即是戲份可能很少,但他卻可以從中找到另一個自己,會因為這樣而感到開心。

拍《飛虎2》令Jack(左一)知道自己真的喜歡的是拍戲。(網上圖片)

對於很多人來說,香港先生未必是一件很特別的事,但Jack認為對他來說是十分特別的。「要着住條泳褲喺七百萬人面前咁做並唔容易,係一種勇氣,同埋對我嚟講係一個好大嘅挑戰,因為嗰一屆其實係好多大隻佬,而我並唔大隻,最多平時做吓gym打吓波。我諗住輸咗無乜所謂喇,我好enjoy嗰個過程,我地有12個人一齊選,嗰段時間我地無乜是非,一齊去玩一齊去見記者,一齊笑吓玩吓就建立咗一份友誼。」Jack認為外界會覺得選港男是一件很cheap的事,連他自己一開頭也這樣覺得,因為要脫褲子。但原來參賽後發現比賽過程中有很多其他得著,例如見記者、學武術、拍硬照等等,是可能一輩子也未必能接觸的事情,對他來說,是達成了人生的其中一個目標。講到目標,Jack還希望將來可以拍一套電影或電視劇是可以影響他人的,如果一套劇不再只是爭家產或者三、四角戀,而是可以令人感到有得著的劇情,例如《激戰》、《天與地》、《驕陽似我》等,令人看完覺得可以為自己再做多一點,激勵人生的作品。

要拍一套能影響人的作品並不容易,Jack你要努力喇!(林迅景攝)
追夢從來不易,這個你我早已知。(林迅景攝)

講到TVB人工,他說他自己的底薪是十分少的,當初簽入TVB更加是沒有人工!每次show計一次錢,公司跟他說新人通常都是這樣的。當時新入行對這個行業並不認識,膽大心細去試一試,即使無錢就當是自己上堂學嘢。頭幾個月是完全無收入,因為做完一個job不是即時收到錢,還要經過公司多重的審批。曾經有一次在一個飯局,有個女仔問佢做緊乜,Jack說:「我話我係做演員架,佢問我係咪明星,我話唔係嘅,演員姐。之後佢話係咩?我無見過你喎,可能佢飲咗少少酒,比較直接,之後佢又問我人工有幾多,夠唔夠搵食,我話人工夠自己架渣萬幾兩萬左右喇。個女仔反應係咁少?咁你仲做?」

其實Jack在未入行之前是一名核數師,雖然未考牌但月入已經可以有三萬幾,考完牌後可以有更多。如果比較新入行TVB的時候,人工有三、四倍的差別,到現在恐怕也有一倍的距離。回想起那個女仔的說話,Jack當時第一個反應不是嬲,而是問自己做了六年(該事發生在兩年前),都只是賺這個人工,做的事是大家都看不到或者不知道,很多人覺得Jack是發明星夢,究竟應唔應該繼續堅持呢?想了一想後他回答那個女仔:「其實我做緊一份我自己鍾意做嘅嘢有咩問題呢?咁我又唔係去偷唔係去搶又唔係呃你,你鍾意睇可以睇,唔鍾意可以唔睇。有時做呢行你自己鍾唔鍾意係好緊要,如果唔鍾意就算俾100萬你都無用,有啲人會做到又抑鬱又燥狂,你唔鍾意真係做唔到呢行。」就是這份對演戲的熱愛,Jack在這個演藝圈浸了八年,生活?可以維持。結婚生仔?他自言這份人工沒可能。將來?為了夢想,他無悔,幸好家人和身邊的那一位都十分支持才能繼續燃燒他這夥演戲的心。