蔡嘉欣摸大肚婆余香凝肚沾旺氣 講到明想兩年內懷孕
撰文:金秀玲
出版:更新:
蔡嘉欣月頭過完29歲生日,一向表明恨嫁的她,在品牌活動上摸大肚婆余香凝個肚,講明希望自己兩年內都可以懷孕,睇嚟男朋友要識做了!
19年落選港姐蔡嘉欣同男朋友拍拖6年,不時曬恩愛,早於21年她已講過等緊男朋友求婚,相信都差不多時候,而身邊的好姊妹都有幫手催婚,但男友硬係遲遲未行動。日前蔡嘉欣、余香凝、陳詩欣和鄧穎堯到天星小輪出席品牌活動,四位之中只得蔡嘉欣未嫁。
除了在船上聽歌睇表演同食下午茶外,蔡嘉欣更趁機沾大肚婆的旺氣,因為余香凝目前陀住第二胎,蔡嘉欣就摸她的肚,並說:「摸摸孕婦接好運,希望我下年OR下下年都可以懷孕🤣🤣🤣」睇嚟好心急!