【社區人．訪】只要買不要問 電影海報收藏家：有時唔知儲咗乜
撰文：呂諾君
出版：更新：
《A計劃》、《小生怕怕》、《搭錯車》、《殺手蝴蝶夢》......7、80年代是港產電影的黃金時期，這種流行文化孕育了不少電影迷，電影海報收藏家林家樂也是其中之一。為了看戲後能「擁有電影」，他對收集電影海報深深著迷，現時他的收藏品已有數千張，更因為在Facebook定時分享珍藏，而與手繪電影海報「隱世大師」結緣......
攝影：張浩維
林認為「好多時我哋睇過一套電影，但未必會記得張海報係點」，因此會以手機拍低手上海報，並公諸同好。(網上圖片)
「儲咗咁多年，其實都唔係好知自己儲咗啲咩。」林家樂說，他不是所有收藏都可以如數家珍，有時也有迷惑時。「有次搬屋，發現有堆海報我自己都唔知係咩嚟，所以決定將全部嘢逐張用手機影低記錄。」
家中藏品本來並沒刻意分門別類，只是間中會拿出來細意欣賞。不過以手機拍照「電子化」之後，就決定將這些記錄公諸同好，「好多時你睇過一套電影，但你未必會記得張海報係點，影低相之後，我自己睇返都覺得幾得意，想試下分享畀人睇。」於是他開了Facebook 戶口(Movie HK Poster)，嘗試跟人「share」自己的收藏，「原來好多人鍾意香港電影，更發現原來啲海報好靚㗎喎！」
+3
流行文化孕育了不少電影迷，電影海報收藏家林家樂也是其中之一。(張浩維攝)
在Facebook上與「隱世大師」結緣，林今年「膽粗粗」替他出書。
遇上手繪海報大師
林幾乎每天都會在Facebook上載海報相片，每次都引來一班同道中人討論，更引起一位「隱世大師」注意，「最驚喜嘅就係，透過Facebook識到一位已經退休、以前畫手繪電影海報嘅大師，先發現原來好多我鍾意嘅電影，都係出自佢手筆。」
家樂口中的「隱世大師」，其實是年前獲得金像獎專業精神獎、生平事跡被拍成紀錄片的「電影海報教父」阮大勇。由於早年他為人低調，世人皆只知其畫不知其人，至近年才為人所識。因此家樂近日「膽粗粗」，將他手上持有的海報圖片製成畫冊《阮大勇的影畫藝術》，並於書展期間售賣。「想畀鍾意電影、鍾意睇畫嘅人，可以有一個回憶。」
