22歲港生遇車禍腦重創 醫生建議續留台治理 急籌每月10萬醫雜費

撰文:朱雅霜 蔡正邦
出版:更新:

22歲的陽光大男孩梁銘皓,懷着一個農夫夢,遠赴台灣求學,詎料一場車禍令他卧床至今大半年。不足三個月後,他的學籍或將不保,隨之失去台灣健保,醫療及雜費即將倍增,預計每月逾10萬港元的開支儼然無底洞,一個普通香港家庭如何應付?父在港求援,母留台照顧,夫妻將「半清醒」兒子一個眨眼視作回應,傾付所有,堅守在旁。

>>> 【立即捐款】銘皓籌醫藥費,冀早日回港治療!

梁爸爸表示,「叫佢眨下眼都有做呢個動作,眨一邊同我哋打招呼」。(受訪者提供圖片)

車禍造成腦部重創 銘皓重學站立、語言等

今年1月28日,在台灣嘉義市就讀國立嘉義大學農藝學系大二的梁銘皓,駕駛電單車接載好友,途經一個地盤出口時被泥頭車撞倒,頭部重創,昏迷指數一度僅有4分(最低3分)。銘皓意志力頑強,從重度昏迷中逐漸回復「清醒」,目前在台灣持續接受物理治療、針灸等中西醫治療。梁爸爸表示,銘皓「好精神嘅時候有少少互動,好似聽到我哋講嘢」,「叫佢眨下眼都有做呢個動作,眨一邊同我哋打招呼」。銘皓如重回孩提時,重新學習站立、語言、聽指示,在器械的協助下進行手部及腳部的復健運動。

梁爸爸在港工作及為銘皓日後醫療開支籌募費用,嫲嫲則每日為孫兒敲經念佛,希望他早日康復。(蔡正邦攝)

銘皓10月復健情況

+1

梁爸爸賣搵食車換輪椅車 銘皓最少再留台半年

梁爸爸期盼兒子早日歸家,更為此早有準備。他打開藍色七人車尾門,拉出一塊斜板,「呢架車係輪椅車嚟㗎,等個仔如果返到嚟仲未方便行嘅時候用㗎喇!」他現在事事以銘皓優先,甚至將「搵食車」換成輪椅車,希望銘皓返港後出入更方便。可惜輪椅車在半年內未能真正派上用場,由於銘皓近來康復進度較緩慢,更有腦室大的問題,未適合返港,主診醫生建議六至七個月後再作評估。「我驚佢入邊個腦壓,如果坐飛機會影響到佢,唔知會唔會影響到佢返嚟有後遺症。」加上由熟悉的醫護及復健人員進行治療,他希望等待銘皓康復至能自主反應或能吞嚥,才安排返港。

梁爸爸事事以銘皓優先,甚至將「搵食車」換成輪椅車,希望銘皓返港後出入更方便。(蔡正邦攝)

>>> 為救半昏迷銘皓 父母耗盡積蓄 請即捐助、支援!

梁爸爸自3月探子返港後,除了常日返回山腰汽車美容公司工作,洗車賺錢,更要隔海肩負聯絡台灣律師處理車禍索償事議;與校方及台議員商討銘皓明年留台安排,「睇下可唔可以延長多一年咁上下或者半年都好,希望個醫療費用盡量少啲,唔好咁多」;但首要任務是在港為兒子籌募日後醫療費用。

台灣健保將到期 預料每月醫療雜費達10萬港幣

目前銘皓大部份的醫療開支由台灣「全民健康保檢」支付,但意外一年後須全額自費。由明年1月28日起,單是銘皓的醫院開支預計需要近6萬元港幣,加上輔助醫療及生活雜費等,預計每月開支達10萬元港幣,加上長時間的復康治療,猶如無底深潭,對非大富大貴的普通家庭來說無疑是千斤擔,「我驚呢個數我真係負擔唔起,一定係好困難㗎到時,所以我希望依家呢個時間做一個部署先。」

>>> 為救半昏迷銘皓 父母耗盡積蓄 請即捐助、支援!

銘皓9月前情況

+13
當一個人靜落嚟嗰時就會諗起個仔啲嘢喇……諗到佢(銘晧)係好辛苦,同埋個靈魂好似困住咗咁,我又冇辦法幫到佢,好難受……真係好難受……
梁爸爸

人前,梁爸爸總表現得堅強,兩次訪問數度哽咽,卻不讓眼淚流下。得悉銘晧發生意外時,「我係覺得乜都冇晒喇,呢個仔對於我嚟講好重要喇,屋企人對於我都好重要,但諗深一層,如果我頹廢嘅話,對呢件事都冇乜幫助,不如自己企起身硬淨啲去面對佢,慢慢改變自己心態去接受佢,依家基本上都消化到。」人後,梁爸爸卻為愛兒悲從中來。「做嘢嘅時候冇乜感覺,但當一個人靜落嚟嗰時就會諗起個仔啲嘢喇……諗到佢係好辛苦,同埋個靈魂好似困住咗咁,我又冇辦法幫到佢,好難受……真係好難受……」

12月1日是銘皓的23歲生日,預計卧床度過,「除非有奇蹟之外呢,我諗唔到有啲咩可能,可以企起返身,可以同我哋一齊過生日!」錯過上月中秋團圓,冬至、農曆年預料繼續分隔兩地。

落床瞌一瞌,個口仲講念緊,觀世音菩薩觀世音菩薩,南無阿彌陀佛南無阿彌陀佛,救下皓仔喇救下皓仔喇!
梁嫲嫲

梁爸爸、梁媽媽為着銘皓分別在港、台四出奔波,與孫仔感情要好的嫲嫲同樣心力交瘁,她哽咽表示「好難過,日日都掛住(孫仔),有時一諗起兩三點鐘都瞓唔着」,她說唯一可以為銘皓的便是燒香念佛,「落床瞌一瞌,個口仲講念緊,觀世音菩薩觀世音菩薩,南無阿彌陀佛南無阿彌陀佛,救下皓仔喇!救下皓仔喇!」

《香港01眾樂基金》將個案列為「關懷個案」。為他開設籌款專戶,善款將交予求助者梁生 (銘晧父親),用於治療及照料銘晧的相關開支,包括聘請看護、手術、檢查、針灸、推拿治療、接回銘晧返港等費用。