網購攻略

【聖誕禮物】人生有班真正好姊妹的確好極!5款禮物一擊即中閨蜜心

撰文:莉莉安
出版:更新:

聖誕送禮是常識,但到底係咩驅使大家喺年尾荷包掹掹緊嘅時候,花錢花時間送出禮物?係愛?定係責任?咪就係因為愛囉!喺聖誕節呢個充滿愛嘅日子,除咗同另一半甜甜蜜蜜咁攬住過節,唔好漏咗一班陪你又喊又笑、大癲大肺嘅好姊妹!唔想喺今個聖誕獲得「有異性冇人性」呢個污名,就快啲趁呢個機會好好咁同你嘅死黨表達愛意啦,覺得太肉麻講唔出口?咁就做出嚟啦!揀份禮物,好好包裝,一樣可以將你嘅心意全數奉上!若然你仲未開始準備禮物,就立即撳入以上影片,睇睇網購師為你推薦嘅閨蜜禮物!

如果要揀送畀姊妹嘅禮物,相信大家十有八九都會從美妝護膚品入手,事關咩粉底呀、面膜呀、面霜呀、精華液統統都係消耗品,日又要用夜又要用,無論囤定幾多都會用得極快,所以送呢類畀好姊妹實唔驚佢用唔着。

不過當你企喺商場入面,望住琳琅滿目嘅護膚品向你招手,係咪頓時覺得左右為難,選擇困難?與其毫無方向,糾結買咩牌子好,倒不如從皮膚性質入手,揀出最適合好姊妹膚質嘅護膚品。今次小編就針對敏感皮膚、輕熟皮膚、缺水皮膚三種膚質推薦大家三大牌子,以及佢地嘅皇牌產品。值得一提嘅係,以下產品最近都做緊優惠價,睇啱就快啲入手,畀好姊妹一個驚喜啦!

Kiehl’s - 適合敏感膚質女生

Kiehl's 特效保濕乳霜 $410/125ml (官方價$530)

kiehls嘅王牌特效保濕乳霜推出已達12年之多,一件產品可以連續多年都未被踢走,仲要高踞王牌產品寶座,必定係有番咁上下實力。一提到特效保濕,可能好多人已經下意識覺得係嗰種又笠又黏,難以吸收嘅面霜,咁諗你就大錯特錯喇,事關呢款面霜嘅質地係相當輕柔,容易推開之餘,上面後亦唔會感覺又厚又Heavy,但仍然能夠做到鎖水保濕嘅效果。就連極端乾燥環境測試都應付得到嘅面霜,相信應付香港一般嘅乾燥空調環境都已經綽綽有餘。而最重要當然係不含香味不含酒精羥苯甲酸酯防腐劑 (Parabens)胺甲醯胺 (Carbamides) 及三乙醇胺等致敏成份,特別適合敏感乾肌,或者經常要做激光facial嘅女生們。

Kiehl's 特效保濕乳霜 $410/125ml (官方價$530)

Kiehl's 深夜奇蹟修復精華露 HK$469/50ml (官方價HK$547)

Kiehl's 深夜奇蹟修復精華露可以話係Kiehl's深藏不露嘅皇牌產品100%以植物天然成分製成,包括有修復功效強嘅玫瑰果油,可以抑制發炎過敏嘅月見草油等等,瞓覺前用一滴仔,瞓覺嘅時候就可以滋潤同修復皮膚,雖然質地近似於精華油,不過小編自己都親測過,上咗皮膚後係絕對唔會油膩,而且用完之後嘅第二朝都仲保持到臉部皮膚嘅保濕度,皮膚望落係好健康同飽滿,對輕熟嘅人嚟講簡直就係100%奇蹟!

Kiehl’s 深夜奇蹟修復精華露 HK$469/50ml (官方價HK$547)

Estee Lauder - 適合25+輕熟膚質女生

Estee Lauder 升級眼底導入基因修護精華露 $636/50ml (官方$830)

升級再生基因修護露係Estee Lauder嘅王牌系列 advanced night repair嘅產品之一,亦即係輕熟女人手一支嘅「小棕瓶」,皆因老化問題一向都係肌膚問題入面最嚴重最難搞嘅一種,輕熟女最重要係把握時間,好好保養皮膚,否則傷害一旦造成就好難再逆轉。講返呢支修護露,細細地一支已已經包含咗淡化細紋、均勻膚色、保濕鎖水、預防老化、亮澤皮膚五大功效,幾乎可以稱之為全能嘅修復型精華,一方面可以持續修復皮膚受過嘅傷害,另一方面就及早預防老化,特別適合經常夜訓,皮膚狀態已經大不如前嘅25+女生。

Estee Lauder 升級眼底導入基因修護精華露 $636/50ml (官方$830)

Estee Lauder 微精華原生導入面膜 $232/5片 (官方價$458)

除咗平時常見嘅面膜套裝,送專櫃面膜畀好姊妹都係一個唔錯嘅選擇,事關專櫃面膜嘅價錢實在係太昂貴,好多女仔都真係未必捨得買㗎,你話如果有人送嘅話幾好呢!Estee Lauder嘅支微精華原生液被譽為輕熟女生最值得擁有嘅精華之一,而呢款面膜入面嘅微精華原生液更係2倍濃縮,除咗做到保濕鎖水之餘,最重要係可以剌激膠原蛋白再生,令皮膚變到好似18歲少女咁緊緻飽滿,啱晒貪靚嘅女生們!

Estee Lauder 微精華原生導入面膜 $232/5片 (官方價$458)

Sulwhasoo - 適合缺水膚質女生

Sulwhasoo 與潤夜間修復睡眠面膜 $295/120ml (官方價$380)

最近天氣非常乾燥,有唔少女生上妝後都會出現卡粉、浮粉,或者顯乾紋等等嘅問題,當然做足妝前保濕功夫係可以令妝容更加貼服,但始終都唔係長久之計,想真正解決皮膚乾燥問題,就需要係睡前護膚做多少少功夫,而用睡眠面膜唔單止可以把握睡瞓覺嘅時間修復皮膚,仲可以令朝早嘅皮膚水分充足。雪花秀與潤面膜使用韓方草藥精華製成,配方入面嘅當歸同紅石榴有助均勻同提亮膚色,而核桃同桑白皮精華就可以為肌膚補充養分,因此瞓覺前薄薄搽一層,第二朝皮膚就會望落更加水潤飽滿,咁個妝自然都會更靚啦,隨時素顏都仲得。

Sulwhasoo 與潤夜間修復睡眠面膜 $295/120ml (官方價$380)

最後再醒埋大家聖誕禮物入手小撇步!買之前記得入優惠碼,咁先可以買得更抵!由12月11日開始,去到12月31日,只要大家撳入以下連結購買禮物滿USD120(約HK$936),結帳時輸入優惠碼【PCNSMZDM1219】,立即可以減USD20(即約HK$156)

(產品及優惠資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

 👉按此進入Telegram優惠碼發放區👈