何雁詩5月出戰高爾夫球女子公開賽 「希望今年有份參加亞運」
撰文：林迅景
出版：更新：
何雁詩年頭仲羸咗業餘高爾夫球賽。
何雁詩（Stephanie）今年（2018年1月）復出參加香港高爾夫球賽，並成功奪得香港業餘高爾夫球女子賽冠軍。報導一出都令不少網民驚訝，原來TVB真係一塊「臥虎藏龍」之地。何雁詩自小就已經接觸高爾夫球運動。「由6歲就開打高爾夫球，直至18歲入行。其實已經打咗12年。」
真係好犀利。
雖然打高爾夫球比賽令何雁詩的壓力增加不少，不過她亦坦言高爾夫球帶給她的還有正面影響。「打完波其實我覺得我嘅信心大咗，最起碼喺娛樂圈做嘢未必下下都咁順景嘅時候，有啲嘢可以令到自己心態正面啲。」問到將來會否把重心放在高爾夫球上，何雁詩說：「唔會啦，因為香港都唔係一啲打高爾夫球好叻嘅地方，如果我出到去同人打就一定唔夠打，同埋我都係醉心於我演藝圈同唱歌工作。Golf其實只係興趣之餘，令到我自然信心大啲。」
何雁詩話重心依舊會放喺演藝事業上。
何雁詩接受《香港01》訪問時說：「一月打咗個比賽贏咗之後，嚟緊就會打個女子職業高爾夫球公開賽入場資格。希望成績好，可以有份參加今年亞運，我目標都會set住係咁。不過我新年都懶咗，係時候要pick-up返。因為我對上一次打已經係8年前，希望開咗個好頭，今次會有好成績。」
嚟緊5月，何雁詩仲有一場比賽。
+2