【明日之子】內地男個個似韓星　韓味濃贏晒《全民造星》

時下選秀節目多不勝數，《創造101》﹑《偶像練習生》…吸引成千少男少女參加追逐星夢。而VIUTV方面亦睇中呢個商機，舉辦以男生為主有港版《PRODUCE 101》之稱的《全民造星》，經過一輪的面試後從中挑選出99位靚仔中的靚仔，大隻型﹑白淨型﹑花美男型應有盡有，不過就被廣大網民嫌棄MK味濃，不過就見仁見智喇！

剛好在這個時間點，內地同樣舉辦以男生為主的《明日之子》，今次已經是第二季，吸引上千來自內地各省各鎮的靚仔參加，最終挑選出86名靚仔兼有才華的男生入選。該節目除了睇外表之外，有才華亦是超級重要，皆因節目是以音樂為主，發掘靚仔又唱得的全新偶像。今集同樣邀請到楊冪為首席星推官﹑李宇春﹑吳青峰﹑華晨宇為賽道星推官，未播已經令人好想睇。

睇翻這86名入選者，其實比起香港版《全民造星》簡直好太多，最起碼他們身高平均都有180CM，而且從打扮睇起上來一啲都唔老土反而韓味十足，一點都唔比明星差。而且他們統一的宣傳照比起《全民造星》簡直好太多，同樣大頭照不過《明日之子》就影到似韓星海報，似足一個男子團隊簡直冇得輸。

99位《全民造星》參賽者中，雖然大部份被嫌MK味重，不過當中有幾位都算比較出眾，就好似有「翻版彭于晏」之稱的姜濤﹑「瘦版柯震東」邱士縉（Stanley）、「100毛G-Dragon」龍志權、「嫩版許廷鏗」陳瑞輝（Frankie），但這一些都要從中選完再選先選到出來，但《明日之子》就隨便一個出來PK都贏到卓卓有餘，睇嚟內地的質素的確好高，地大物博蘊藏了唔少美男子。雖然《全民造星》的質素實屬欠佳，不過都相當佩服所有參賽者，最起碼他們有自信同勇敢單憑這一點已經贏了好多人。另外，香港以男性為主的選秀節目，似乎都捧唔起有星夢的人，就好似TvB舉辦過幾屆的《香港先生》，幾乎至今沒有一位是大紅大紫，甚至於選了出來最後都不了了之。相反內地的選秀節目以《明日之子》為例，選了出來就推出個人專輯，而且獲得公司力捧，單憑這一點睇嚟內地是有心培訓新一代明日之星。

以下相片由ViuTV提供