【再創世紀】搶戲過主角! 李旻芳忍喊一分鐘獲網民激讚

撰文:
最後更新日期:

無綫經典劇集《創世紀》的續作《再創世紀》日前播出後,觀眾反應非常熱烈,亦引起網民討論。而昨晚播出的第三集,亮點就落在《東張西望》女神李旻芳(Lucy)身上。雖然只有一分鐘的演出,但Lucy已經獲得網民讚賞及討論。今次她劇中重演股評家胡孟青在2009年為電視台做直播節目時,被股價大跌而嚇到流淚這一幕。

事件發生於2009年3月9日,匯豐控股由開市40.5元急跌至下午開市38元,競價時段最後半分鐘報37元,最後3秒,有300萬股沽盤以33元買入,最後以33元收市。當時正在主持《交易所直播室》直播節目的胡孟青,被嚇至愔然落淚,而該片段更被網民錄下,上載到網絡。

【棟仁的時光】企跳李旻芳唔推Job好捱得:試過做替身俾蟲躝上身

(電視截圖)

談到今次的演出,Lucy接受《香港01》訪問時透露,事前都做足功課,更一早就拎定劇本,除了睇自己演出的戲分之外,亦會睇哂所有場口,清楚故事的來龍去脈,再去研究自己的角色:「呢次《再創世紀》收咗劇本之後,知道自己要重演返09年股災呢一幕,就好擔心自己唔識演……因為始終09年嘅時候自己仲細,加上對股票一曉不通,於是就上網做功課。搵返當時嘅新聞睇,再睇返報道時候嘅真實情況。起碼睇咗嗰條片過廿次,每次reloop完再問下自己點解會有咁嘅情緒,再想像自己嘅屋企人係災民嘅一份子。」她續指當年股災確實是令香港人傷心的事,很多人都因為這件事而家破人亡甚至跳樓尋死,重溫片段時就好感同身受,這樣就很自然地投入角色。

【3日2夜】李旻芳主持惹負評 意見全收:節目前提自己唔好咁興奮

(電視截圖)

點擊下圖睇李旻芳的演技大爆發:

+6
+5
+4

至於提到第三集播出後,即獲網民激讚,Lucy笑言今次演出都不知道有否足一分鐘,所以根本沒有想過會有這麼大迴響,亦很開心大家會留意到自己:「其實我每一次無論係幾細微嘅角色都好,都好用心去演,真係擺個心入去演,唔係背書背台詞。自己做咗咁多功課,為嘅就係希望自己可以投入到角色,令觀眾有共鳴,今次做到呢一點覺得真係好值得。」她坦言見到大家的讚賞非常感動,所以自己都逐一親自回覆留言:「其實所有人嘅評價無論係好定壞,都好感謝佢哋會畀Feedback我,因為觀眾嘅眼睛係雪亮,只要演員用心去演,觀眾就可以用心感受到,我覺得做演員最成功就係咁!」

+9
+8
+7


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。