ViuTV藝人黃心美（Scarlett）宣佈離巢ViuTV，原來早於2018年11月1日就正式與ViuTV解約。其實黃心美由NowTV到ViuTV工作已差不多有8年時間，所以一直以來都被喻「ViuTV象徵」、「ViuTV一姐」。據知今次黃心美出走是因為經理人離開ViuTV，所以選擇與他共同進退。黃心美經理人回覆《香港01》查詢時說：「其實心美工作都係照舊，同埋佢都想專注返喺司儀工作方面。」

至於黃心美是否提前與ViuTV解約方面，經理人回答：「我哋都係和平下分手，我走，心美就跟我一齊走囉，而ViuTV都選擇放佢走。（之後會唔會返ViuTV做吓嘢？）心美一直都係做司儀居多，如果前公司有嘢搵我哋合作，都可以嘅。聖誕節嗰時魯生（魯庭暉）都有Send message問候心美，金生（金廣誠）都有約佢食飯，其實關係都有Keep住，有啱嘅工作機會，就可以合作。（會唔會過檔去TVB？）未知住，其實都仲有三個月『過冷河』（指：離職後不能在相似或競爭的公司工作）。黃心美喺一月份其實都接咗7，8個騷，個期完全Full晒，再者佢主要收入都係來自外面嘅司儀工作，影響唔大。」雖然名義上黃心美被稱為「ViuTV一姐」，但實質上在NowTV、ViuTV工作8年半內，主持過的節目以及劇集卻寥寥無幾，實在有點浪費。

現正在隔離台TVB工作，黃心穎接受《香港01》訪問時說：「我冇問或說服佢黎tvb，佢而家好嚮往自由身。咁多選擇、慢慢細心揀下先啦。而且從來佢都係專注做活動主持、所以就算而家未有電視台合約、都唔會太影響收入，最緊要係家姐做得開心。（期待同家姐合作？）哈哈，家人都係remain家人好啲。我未試過同家人做同事，我驚我唔識適應，不過真係發生先算啦。如果一齊做嘢嘅話，我當然唔會抗拒，但係佢咁大個人，佢決定啦。」