【武博】何慈恩習武不希望男生留力:鍾意佢哋用全力去同我練習
撰文:葉詩
出版:更新:
何慈恩(Charlene)今日(3日)以武博大使身份出席武博活動,並在武博現場遊玩「熄燈大師」及「一擊即碎」攤位遊戲,Charlene憶起自己14年前跟隨爸爸學武:「細個嘅時候興趣唔大,但爸爸有教好多唔同國籍嘅學生功夫,我見到又有龍型、蛇型、虎爪咁,功夫好得意就產生咗興趣,就同爸爸講我都想學。」
Charlene又謂學武的過程甚辛苦:「好多受傷,又要練氣練力,雖然好辛苦,但你鍾意嗰樣嘢就就會捱落去。」她提起學習過程中最深刻的是失手令爸爸受傷:「有一次同冇戴拳套同爸爸練習,佢就叫我好用力打佢去練一啲位置,我就瞄錯咗角度,打中咗爸爸塊面,仲𠝹開咗流血,嗰次嚇到我。爸爸受咗傷,我就心疼到喊咗出嚟!」
Charlene和男生對打,別人都不會因為她是女兒身而留力或有所讓步:「我都大大力咁打落佢哋到,所以佢哋都唔會讓我,但我反而鍾意佢哋用全力去同我練習,因為咁先會有進步,喺擂台先會發揮得更好!」說到接下來的計劃,Charlene說:「格鬥節目仲傾近,我自己會拍下片同大家分享洪拳,教下大家練習嘅方法。」