鄭融晒泳衣照最緊要自信:如果身型ok就唔洗避開性感

撰文:
最後更新日期:

鄭融周四(11日)出席慈善單車賽記者會,擁有健康膚色的她十分喜歡做運動:「鍾意户外運動,平時都會跑步、游水、做體能,幾有挑戰性。」為保持身形,鄭融一星期最少都會做兩次運動,工作比較不忙的時候,甚至一星期會花五天做運動;喜歡游泳皆因從小就是校隊成員:「好放鬆、好減壓,越游個腦越放空。」

炎炎夏日,鄭融近日在個人社交媒體貼出穿著泳衣在沙灘嬉戲的照片:「我都鍾意放幾日假嘅時候就同朋友去個短Trip,都會揀返有陽光海灘嘅地方。放假去大自然嘅地方,咩都唔洗做已經可以放鬆。」作為藝人亦需要做身材管理:「當注意自己嘅健康,食嘢自然就會揀健康嘅食物,食少啲紅肉、澱粉質,有麩質嘅食物亦對腸臟負擔比較大,都睇多咗呢啲資訊。」隨時保持Fit的身材以應付不同場合,亦不會刻意避開性感。

+3
+3
+3

鄭融最近亦發佈了與樂隊Dear Jane合唱版本的《13樓的大笨象》,這首由Howie譜曲的歌曲成績不裕,所以𧗠生了Live Recording的版本送給喜歡的歌迷。說到新歌的計劃,鄭融說:「邀請Howie繼續合作,我想今年喺歌曲上有圓滿嘅感覺,其實自己都好耐未試過有首歌咁多朋友支持,如果年頭年底出嘅歌都係同一個班底、感覺,就會覺得今年喺音樂上都幾圓滿。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。