【口水多過浪花】吳岱融向萬梓良偷師演嘔戲 靠一招唔洗扣喉即嘔

撰文:
最後更新日期:

演員平時要在工作時要演不同的角色和戲份,例如哭戲,要真的在短時間內可以「谷眼淚」哭出來,日前吳岱融上由鄭裕玲(Do姐)、余迪偉和麻利主持的商台節目《口水多過浪花》時,就大爆當年在萬梓良身上學怎樣演嘔戲。

吳岱融大爆在萬梓良身上取經學演「嘔戲」。(影片截圖)

吳岱融在1987年跟萬梓良合作拍無綫電視劇《生命之旅》,主持Do姐也有份參演,吳岱融大爆萬梓良「好識嘔」,想不到他們要做嘔吐戲也要真做,他說︰「佢(萬梓良)就喺門口入嚟,跟住佢喺出面原來食咗啲好軟嘅公仔麵,跟住又隊啲奶啊定乜嘢,總之就撑到爆晒,飲埋啤酒,跟住一入嚟講兩句就,嘩!(主持︰就嘔啦!)」他就指自己後來都有試過萬梓良這招,真的有用,「出到個效果」。

吳岱融在節目中大談當年跟萬梓良合作的趣事。(資料圖片)

不過,Do姐就話這樣做會好辛苦,而且同事會「好嬲你」,此話何解?原來她指萬梓良會在同事附近嘔,「我記得有一場戲同曾江,曾江又係好得意㗎嘛個人,好真性情㗎嘛,咁我哋三個喺尖東拍外景,我知佢(萬梓良)要嘔㗎喇,佢已經係隊緊麵㗎喇,我行出門口仲唔企開啲,但係曾江未領過嘢啊嘛,一嘔,嘔咗喺佢套西裝度,嬲咗成晚啊。」但戲還是要繼續拍,認真敬業。吳岱融又解釋當肚子好漲的時候,即使不用扣喉也會嘔到,余迪偉都話︰「你諗吓,佢又奶又公仔麵,啲麵仲要係『發』爛晒嘅,你就咁聽都想嘔啦!Do姐都話,由此可見,萬梓良是一個很好的演員,她不禁講一句︰「佢呢啲係真實演技,我哋都比較錫身啲啊。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。