孫慧雪自揭曾親身經歷靈異事件:嗰時我全身起晒雞皮

撰文:
最後更新日期:

昨日(8月14日),是農曆七月十四日盂蘭節,俗稱「鬼節」,篤信傳統和習俗的人在這天都總會向身邊的好友、家人提點,呼籲大家當日早點回家,盡量避免晚上在街上遊走,慎言、慎行。不過,世界上總有膽大之人,又或者他們都不信「鬼節」習俗,仍然在街上集會,與朋友聚會,李靖筠(Gladys)和孫慧雪是其中一分子。Gladys就相約雪雪參與個人YouTube頻道的節目《小司機GLADYS》作為嘉賓,深夜駕車上飛鵝山講鬼故挑戰膽量!

雪雪講到呆晒。(YouTube截圖)

雪雪自揭親身經歷的靈異事件Part One

當晚二人在駕駛往飛鵝山山頂的途中,雪雪已經被當時遮黑一片的環境感染,未待駛至目的地,就已經開始分享一次親身的靈異經歷,憶述懷疑阿仔Riley見到「朋友」的過程:「佢(Riley)好鍾意攞我個銀包抆啲錢出嚟玩。嗰日我老公就坐司機位,工人姐姐就坐我老公後面,我就坐喺另一邊,仔仔本身就坐前面玩,然後就抱咗佢去後面玩,佢坐喺我大脾,然後喺我個銀包抆啲錢出嚟玩,然後就話『錢錢畀爸爸』、『錢錢畀姐姐』,即係畀工人姐姐,『錢錢畀媽媽』,就俾我咁啦。但佢突然望出去窗口,即係我隔離,然之後笑住咁嗌姐姐,跟住佢就抆一張錢俾姐姐!我係呢一邊(左邊)全身起晒雞皮,出面係冇人嘅!」

Riley當時見到啲咩呢?(Instagram@snow711)

Gladys驚到要停車。(YouTube截圖)

Part Two

講到中途,Gladys已經被雪雪的故事嚇到,繼而將車泊在備車處,雪雪續說,表示自己故作鎮定後落車準備離開的經過:「其實我每次同阿仔道別呢,佢都會嚎哭,然後大叫『媽媽』,係成個電視城都會聽到佢把聲,點知嗰日佢正準備喊再嗌媽媽嘅時候,然後佢個眼神係移咗去我膊頭側邊嘅位置,喺一秒內笑,係咔咔聲咁笑!我望過去見到啲樹喺度搖,我只好安慰自己係阿仔見到啲樹郁所以笑。」

Riley你嚇親媽咪喇:

+19
+18
+17
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。