ViuTv卓淑貞被網民稱「翻版黃翠如」感榮幸：可能我份人夠爽直
撰文：賴家杰
出版：更新：
亞洲模特盛典Face of Hong Kong這個模特兒比賽今天（1日）舉行傳媒見面會，當中有22名模特兒去競賽，分了11男11女。而每位參賽者的經驗相當豐富，有一名女生更被形容為「翻版黃翠如」，她叫做卓淑貞（Hannah）。
大定覺得佢似黃翠如？（陳順禎攝）
她的幕前經驗是挺豐富的，曾在ViuTV擔任主持，Hannah說：「好開心有呢啲機會，希望之後可以有更多嘗試。」這些經驗能否幫助她在模特兒比賽獲勝，Hannah覺得並不大：「其實我冇乜信心，但嚟到學習好到好嘢，首先學到自信心增加，都認識到一班新朋友。」
剛提到她被稱為「翻版黃翠如」，Hannah直言很榮幸可以像她：「翠如份人好爽直，可能大家覺得我似佢係因為我份人夠爽直。其實我係對唔太熟嘅人會慢熱，但熟嘅朋友都知道我份人好直。」
Hannah對自己信心唔大。（陳順禎攝）